Hoseya 4:1-19
4 Enu antu jaIsarela, tiyenu izu daYehova,Muloña Yehova nayinki antu ashakamaña mwituña muloña,+Muloña mwituña mwosi chalala, kukeña kwakashinshi nawa antu hiyamwiluka Nzambiku.+
2 Kusanyika kwakutwamba, kutwamba,+ kujahañana+Kwiya niwujila+ jinataandi kwejima,Nawa kupwekesha mashi kunataandi kwejima.+
3 Dichikuletesha ituña kudila+Nawa antu ejima anakushakamamu akujiya;Anyama amwisaña niatuda amuluzwizu,Kushilahu niinshi jamukaluñalwiji, jikujiya.
4 “Hela chochu, bayi kwikala muntu wukudilwisha namukwawu hela kumuzuwilaku,+Muloña antu jeyi adi neyi antu adilwishaña nakapristu.+
5 Dichi eyi wakahukana namwaana wetenda,Nawa kaprofwetu wakahukena hamu naneyi, neyi kwiji nawufuku.
Nawa mama yeyi nakamumweneshahu.*
6 Antu jami akayimweneshahu,* muloña hiyañilukaku.
Chineli wunakaani kuñiluka,+Ninami nakakukaana kwikala kapristu kami;Nawa chineli wunavulameni nshimbi* yaNzambi yeyi,+Ninami nakayivulamena anyaneyi.
7 Chavulileñawu, aswejeleleñaku nikunvulumuna.+
Kulema kwawu nakakubalumuna kusawuka.*
8 Adaña nshidi yawantu jami,Nawa atiyilaña lwisu chiluwa chawu.
9 Chakayimwekena antu dichikamumwekena nikapristu;Nakayibabesha muloña wayuma yelañawu,Nawa nakayiletela yihuñu muloña wayilwilu yawu.+
10 Akada ilaña hiyakekutaku.+
Akela wunyakalwalu,* ilaña hiyakavulaku,+Muloña hiyanamulemeshi Yehovaku.
11 Wuvumbi,* vinyu nivinyu yayihaYamanishaña iyena dakwila yuma yaloña.*+
12 Antu jami ehulaña kudi ankishi jawu anyitondu,Nakwila yuma yayilejañawu kudi mukombu* wawu;Muloña muchima wakufwila kwila wuvumbi* wayikojejaña kuluwankana,Nawa muloña wawuvumbi* wawu akaanaña kumwovwahila Nzambi yawu.
13 Alambwilaña hewulu damapidi,+Nawa hewulu datupidi dihochelañawu nyilambu yakukakumuka wishi,Mwishina danyitondu yanyikula, nyitondu yasitorakisi nimutondu wejima weneni,+Muloña yikweti wulelu wawuwahi.
Dichaleteshaña anyanenu awambanda eleña wuvumbi*Niañodi jawanyanenu eleña wujila.
14 Hinakakañanya kubabesha anyanenu awambanda muloña wawuvumbi* wawuku,Niañodi jawanyanenu muloña wawujila wawuku.
Muloña amayala anakwilaña wuvumbi nawanyatulwalu;Nawa anakulambulaña nawayivumbi ahatembeli;Antu amuchidiwu abula maana+ akajilumuka.
15 Eyi Isarela, hela chakwila yeyi wunakwila wuvumbi,+Yuda bayi ekala namuloñaku.+
Bayi mwinza kuGiligali+ hela kuBetaveniku,+Nawa mwatela wanyi kusanyika nenu, ‘Kwesekeja nachahandayi Yehova!’+
16 Muloña Isarela nadikañi neyi chadikañaña ñombi,+
Komana ichi Yehova wukuyibiña neyi mwana kamukoku wachizamba anakubiñawu mwiluña dakudiila ayimuna?*
17 Efuremu nadibombi kudi ankishi.+
Mulekenu!
18 Neyi walwa* wawu wunamani,Adiñijaña muyilwilu yawunyakalwalu.*
Nawa anyuuli* jindi akeña chikupu kasawuntu.+
19 Mpepela yakamuvuñekela* mumpuula jayu,Nawa akasawuka nanyilambu yawu.”
Tumazu twaheshina
^ Hela “nakamukisañana.”
^ Hela “kuleja.”
^ Hela “akayikisañana.”
^ Hela hekwawu, “Anahimpi kulema kwami nakasawuntu.”
^ Hela “yuma yawuzondu chikupu; akadiñija muwuvumbi.”
^ MuchiHeberu, “Jasendaña muchima.”
^ Hela “Wunyakalwalu.”
^ Hela “mbwechi yamukakuhoña.”
^ Hela “wunyakalwalu.”
^ Hela “wunyakalwalu.”
^ Hela “wunyakalwalu.”
^ Hela “wunyakalwalu.”
^ MuchiHeberu, “iluña deneni.”
^ Hela “walwa watidiku.”
^ Hela “muyuma yawuzondu chikupu; muwuvumbi.”
^ MuchiHeberu, “jinkebu.”
^ Hela “yakamulelula.”
