Hoseya 6:1-11
6 “Inzenu, twayenu kudi Yehova,Muloña natutaboli,+ ilaña wukutuuka.
Watweta, ilaña wukukasa hayilonda yetu.
2 Wukutukolesha hanyima yamafuku ayedi.
Hefuku damuchisatu wukatuhindwisha,Nawa twakekala nawumi kumesu indi.
3 Twakeluka, twakafwila chikupu kukeñakeña kulonda twakamwiluki Yehova.
Kwidika kwindi kudi neyi chikwayaña nakucha;Wakenza kudi etu neyi nvula yeneni,Neyi nvula yakukumishaku yazoweshaña iseki.”
4 “Chumanyi chinukukwila, eyi Efuremu?
Chumanyi chinukukwila, eyi Yuda?
Muloña kukeña kwenu kwakashinshi kudi neyi mavu antetemena,Neyi wuumi wanyakalaña kutotomoka.
5 Dichakaletesha nakayijahi kuzatisha atuprofwetu;+Nakayijaha namazu amukanwa kami.+
Wunsompeshi wakenza hadi enu wakatoñeka neyi chejeji.+
6 Muloña natiyaña kuwaha kukeña kwakashinshi,* bayi mulambuku,Nikumwiluka Nzambi, bayi nyilambu yamukuma yakushitaku.+
7 Ilaña wena anafumpi chitiyañenu, neyi antu hohu.+
Kwenoku dikunabuli kummwekeshelawu kashinshi.
8 Giliyadi hitawuni* yawakakukoña nshidi,+Apwekeshañamu mashi nankashi.+
9 Izanvu dawatupristu didi neyi yendu yawatupondu yinabelamini muntu.
Ajahilaña munjila kuShekemi,+Muloña yilwilu yawu yawuzondu.
10 Namoni chuma chawuzondu mudi amwitala daIsarela.
Kwenoku dikunakwililayi Efuremu wuvumbi;+Isarela naditamishi yomweni.+
11 Kubombelahu, eyi Yuda, akakumunaHampinji yinakafuntisha antu jami adi muwunkoli.”+