Hoseya 9:1-17
9 “Eyi Isarela, bayi wuzañalalaku,+Bayi wuzañalala neyi antu akunyuzaku.
Muloña wuvumbi* weyi wunakufumishi kudi Nzambi yeyi.+
Wunakeñi wufwetu wawayivumbi hawuhulilu wambutu.+
2 Ilaña wuhulilu niwukamwinu wavinyu jikayidiisha wanyi,Nawa vinyu yayiha yakamumana.+
3 Akatwalekahu kushakama mwituña daYehova wanyi;+Ilaña Efuremu wakafunta kuEjipitu,Nawa muAsiriya akadaña yuma yamajilu.+
4 Hiyakamulambulahu cheñi Yehova nyilambu yavinyuku;+Nyilambu yawu yakamutiyisha kuwaha wanyi.+
Adi neyi yakuda yantetemena;Ejima anakuyida akaditamisha awenawu.
Muloña yakuda yawu, yawu hohu nkawawu;*Hiyakayileta mwitala daYehovaku.
5 Chumanyi chimwakela hefuku dakupompa,*Hefuku dachawija chaYehova?
6 Muloña tiyenu! akatemuka kujilumuka.+
Ejipitu wakayipompesha hamu,+ nawa Memfisi wakayijiika.+
Tunyuñi tukamena nakubuta hayuma yawu yasiliva yalema wuseya,Nawa mumatenti awu mwakekala yiputa yanyiña.
7 Mafuku akubabesha anakwinza,+Mafuku akukabisha anakwinza,Nawa Isarela wakachiluka.
Kaprofwetu kawu wakekala chisupi, nawa muntu wahoshaña mazu akwonena wakazaluka;Chineli chiluwa cheyi chinasweji, anakuhembeli nkunyi yasweja.”
8 Mukakutalatala+ waEfuremu wadiña naNzambi yami.+
Ilaña ichi njila jejima jawatuprofwetu awu+ jidi neyi makoña achibinda chatuda;Mwitala daNzambi yindi mudi nkunyi.
9 Aneñili chikupu mukujilumuna, neyi mumafuku aGibeya.+
Wakaanuka chiluwa chawu nawa wakayibabesha muloña wanshidi jawu.+
10 “Isarela namuwanini mwisaña neyi nyivinyu.+
Ankakulula jeyi nayimweni neyi yikuyu yatachi yidi kumutondu wachikuyu.
Ilaña ayili kudi Bayali wakuPeyori;+Adihanini awenawu kuchuma chawuzondu,*+Nawa ekalili awuzondu neyi chuma chakeñawu.
11 Kulema kwaEfuremu kunatuuki neyi kada;Kwosi kuvwala mwana, kwikala nevumu hela kubaabaku.+
12 Hela chakwila akavwala anyana,Ami nakayijaha, kwosi hela wumu wakashalahuku;+Oyihuñu yakamonawu neyi nayishiyi dehi!+
13 Efuremu, atumbiliwu mwiluña dakudiila ayimuna, kudi ami wadiña neyi Tira;+Ichi anyana kaEfuremu atela kuyileta kulonda ayijahi.”
14 Eyi Yehova, yinki yuma yiwatela kuyinka;Ivumu dasulumunaña anyana nimayeli abulaña kusansa.*
15 “Kutama kwawu kwejima kwadiña muGiligali,+ muloña mwenomu dimunayiheleleli.
Nakayihaña mwitala dami muloña wanyidimu yawu yatama.+
Hinakayikeñahu cheñiku;+Ayilolu jawu adikaña.
16 Efuremu akamuholola.+
Nyiji yawu yakooma, nawa hiyakasoña nyikaabuku.
Hela chakwila akavwala anyana, nakayijahila anyanawu akeñawu.”
17 Akayikaana kudi Nzambi yami,Muloña hiyanamutiyililiku,+Nawa akekala amatunduka mukachi kanyuza.+
Tumazu twaheshina
^ Hela “wunyakalwalu.”
^ Hela “yawumi wawu.”
^ Hela “dachawija chenu chakutoñola dehi.”
^ Hela “nzambi wawuzondu.”
^ Hela “ominina.”
