Isaya 11:1-16
11 Mutayi+ wakamena muchishinji chaYesi,+Nawa mutombu+ wakatutuka kunyiji yindi wakasoña nyikaabu.
2 Nawa spiritu yaYehova yakashakama hadi yena,+Spiritu yamaana+ nispiritu yakutiyishisha,Spiritu yakufumba niyañovu,+Spiritu yakwiluka niyakumutiya Yehova woma.
3 Nawa wakatiya kuwaha kumutiya Yehova woma.+
Hakasompesha kwesekeja nayuma yinakumona mesu indiku,Hela hakazuwila kwesekeja nayuma yinakutiya matu indi hohuku.+
4 Antu abula kulema wakayisompesha mwamuwahi,Nawa antu amwovu ahamaseki wakayizuwililaku nakwoloka.
Waketa iseki nambwechi yakanwa kindi+Nawa antu atama wakayijaha namuuya wakunyivumbu yindi.+
5 Kuloña kwakekala muya wamumbunda yindi,Nawa kashinshi nikena kakekala muya wamumbunda yindi.+
6 Kañwidi wakashakama hamu namwana kamukoku+ hakapinji kantesha,Nawa mwana kampembi wakakaama hamu nachisumpa,Nawa mwana kañombi, mutupa* nikanyama wanuna akadiila hamu;+Nawa akayilombola kudi mwana wanyanya.
7 Ñombi wamukaji nibera akadiila hamu,Nawa anyanawu akakaama hamu.
Mutupa wakada matahu oma neyi ñombi wachizamba.+
8 Mwana wuchidi kwamwa wakahemenaña kuwina wakapela wafwana,*Nawa mwana wasumuka dehi wakasha chikasa chindi kuwina wakapela kawulembi.
9 Kumpidi yami yajila yejima+Hiyakakatishanaña hela kujilumunaku,+Muloña iseki dejima dakenzala nakwiluka kwakumwiluka YehovaNeyi chabutaña menji hakaluñalwiji.+
10 Hanodu ifuku muji waYesi+ wakemana nakwikala chinjikijilu* chawantu.+
Nyuza yakabalumukila kudi yena kulonda ayitwaminini,*+Nawa iluña dindi dakunookela dakekala dalema.
11 Hanodu ifuku Yehova wakwolola cheñi chikasa chindi kamuchiyedi kulonda akafuntishi antu jindi ashalahu kufuma muAsiriya,+ muEjipitu,+ muPatirosi,+ muKushi,+ muElami,+ muShinari,* muHamati nikuyituutu yakukaluñalwiji.+
12 Nyuza wakayimikila* chinjikijilu nikupompesha antu amuIsarela apalañenamu,+ nawa wakapompesha hamu antu amuYuda apalañenamu kufuma kumawombu awana eseki.+
13 Ichima daEfuremu dikamana,+Nawa antu amushilaña Yuda nkunyi akayijilumuna.
Efuremu hakamutiyila Yuda ichimaku,Hela Yuda hakamushila Efuremu nkunyiku.+
14 Nawa akakunkumuka nyikunkumuki* yawaFilisitinu kumujika;Wejima wawu akapuupa antu akuMusela.
Akemika mushindu Edomi+ niMowabi,+Nawa aAmoni akekala antu jawu.+
15 Yehova wakaambula* nfuuña* yakaluñalwiji kawaEjipitu+Nawa wakazuyañesha chikasa chindi haKaloña.*+
Wakaketa* namuuya windi wochanaña nakukaambula mutuloña twanyanya 7,Nawa wakazambwisha antu nankwabilu jawu.
16 Nawa kwakekala mukwakwa weneni+ kufuma muAsiriya mwakuhita antu jindi akashalahu,+Neyi chichadiña kudi Isarela hefuku dafumineñayi mwituña daEjipitu.
Tumazu twaheshina
^ Hela “mwenzi wamutupa weyala.”
^ Kapela wadifwana nanfwiji.
^ Hela “Nyuza yikamukeñakeña.”
^ Hela “chishimi chachinjikijilu.”
^ Dikwila nawu, Babiloniya.
^ Hela “chishimi chachinjikijilu.”
^ MuchiHeberu, “chifwiji.”
^ Hela hekwawu, “wakomisha.”
^ MuchiHeberu, “idimi.”
^ Dikwila nawu, Yufurati.
^ Hela hekwawu, “Waketamu.”
