Isaya 18:1-7
-
Nsañu yakumusompesha Etiyopiya (1-7)
18 Oyihuñu yakamona ituña mwavumaña mpuula yatububuMwiluña datuloña twamuEtiyopiya!+
2 Datemeshaña antemesha hakaluñalwiji,Nakuzambuka hamenji namaatu anyilela, nakutuleja nawu:
“Yenuña, enu antemesha mwatemuka,Kumuza wukweti antu amalehi nawa akweti makowa asenena,Kudi antu atiyañawu woma kwejima,+Kumuza wakola, wemikaña mushindu,*Wukweti ituña dakumpwiliwu kudi tuloña.”
3 Enu antu ejima mwashakamaña mwituña ninenu antu ashakama hamaseki,Chuma chimwakamona chakekala neyi chinjikijilu* chinemikiwu hajimpidi,Nawa mwakatiya chivumina neyi chivumina chaluseñu.
4 Muloña ichi dichinanlejiyi Yehova nindi:
“Kwosi wakanluwañesha nikutala* heluña dami dinnakoleshiku,Neyi iyena detena dinakutoñeka,Neyi mavu awuumi hikwataataña muchilaaka chakwaañula.
5 Muloña henohu kwaañula kanda,Neyi nkenu yinakukumuki nawa wuluya wunekali dehi nyivinyu yaha,Tuneñuneñu akatukunkula nayitwa yakukunkula nachuNawa nyintomboloñu akayiketula nakuyifumishaku.
6 Yibimbi yawu akayishila atuda akujimpidi adaña mbijiNikudi anyama ahamaseki.
Akayidaña kudi atuda adaña mbiji mumpinji yanooña,Nawa akayidaña kudi anyama ahamaseki mumpinji yakwaañula.
7 Hanoyu mpinji, akamuletela Yehova wamazaza chawaana,Kufuma kumuza wukweti antu amalehi nawa akweti makowa asenena,Kufuma kudi antu atiyañawu woma kwejima,Kufuma kumuza wakola, wemikaña mushindu,*Wukweti ituña dakumpwiliwu kudi tuloñaNakuchileta kwiluña dikweti ijina daYehova wamazaza, Mpidi yaZiyona.”+
Tumazu twaheshina
^ Hela “Kumuza wakola chikupu wadatolaña.”
^ Hela “chishimi chachinjikijilu.”
^ Hela hekwawu, “kutalila.”
^ Hela “kumuza wakola chikupu wadatolaña.”
