Isaya 25:1-12
25 Eyi Yehova, yeyi Nzambi yami.
Nakutuumbakeshi, nalemeshi ijina deyi,Muloña wuneli yuma yakuhayamisha,+Yuma yiwafuukwili dehi kwila kufuma kushankulu,+Mukashinshi nimuwalala.+
2 Muloña wunabalumuni musumba kwikala mulumba wamalola,Wunajilumuni tawuni* yakiñewa nakushala kwanyilumba.
Kaposhi kawañiinza hikadi cheñi musumbaku;Hiyakawutuñululaku.
3 Dichakakulemeshelawu kudi antu akola;Musumba wanyuza yakabishanaña wakakutiya woma.+
4 Muloña wunekali mpwembu kudi muntu wabula kulema,Mpwembu kudi kazweñi hanakumonayi makabi,+Mwakwiyama nvula yeneni,Nawa wulelu hampinji yeyena.+
Neyi kuzuwa kwasweja kwawakakukabishana kwikala neyi nvula yeneni yinakushikena hambañu,
5 Neyi nkanza mumpata yoominina,Eyi wakalekesha ipumba dawañiinza.
Neyi wulelu weevu wunafwomoni nkanza,Dichakamweneshawu nikamina kawakakukabishana.
6 Kuniyi mpidi,+ Yehova wamazaza wakaloñeshela antu ejimaChawija chayakuda yayiwahi,+Chawija chavinyu yayiwahi,Chayakuda yayiwahi yenzala nawoñu wamumafwaha,Chavinyu yayiwahi, yakukelula.
7 Kuniyi mpidi, wakafumisha* ihina dinabuti antu ejimaNiihina dinapombi nyuza yejima.
8 Wakaminya* kufwa chahaya nyaaka,+Nawa Yehova Mwanta Wabadika wakakombola madilu kumesu ejima.+
Kasawuntu kaletawu hadi antu jindi wakakifumishahu mwahita iseki dejima,Muloña Yehova yomweni diyi wunachihoshi.
9 Hanodu ifuku, akahosha nawu:
“Talenu! Iwu diyi Nzambi yetu!+
Diyi itunakuhweleli,+Nawa wukutwamwina.+
Iwu diyi Yehova!
Diyi itunakuhweleli.
Twayenu tuzañalali nikutiya kuwaha muloña wukutwamwina.”+
10 Muloña chikasa chaYehova chakekala haniyi mpidi,+Nawa Mowabi akamudatolela mwiluña dindi+Neyi matahu oma anadatoliwu nakwikala mulumba wawushi.
11 Nzambi wakwolola makasa indi nakumweta MowabiNeyi mukakusala wunakweta makasa indi hamenji kulonda asali,Nawa wakamanisha kudivwimba kwindi+Namakasa indi anakuzuyayi chiwahi.
12 Nawa musumba wakola, wukweti mpwembu jajilehi jakukiña nachu,Nzambi wakawuhumuna;Wakawunata heseki, mulunkuñu mwamweni.
