Isaya 34:1-17
34 Enu nyuza, inzenu kwakwihi kulonda mutiyi,Ninenu antu, tiyililenu.
Iseki niyuma yenzalamu yitiyilili,Ituña niyuma yejima yamenamu.
2 Muloña Yehova nahilili nyuza yejima,+Nawa kuzuwa kwindi kudi hadi amashidika awu ejima.+
Wakayihana kulonda akayijilumuni;Wakayihana kulonda akayijahi.+
3 Antu jawu akajahawu akayinata,Nawa ivumba dayibimbi yawu dakepuka;+Mpidi jakasuñunuka* muloña wamashi awu.+
4 Yuma yejima yamumawulu yakatoka,Nawa mawulu akayivuñulula neyi muvuñilu.
Yuma yejima yidimu yakalepa,Neyi ifu dalepa dinakuholoka kumutondu wamuvinyuNawa neyi mukaabu wachikuyu wakonyata wunakuholoka kumutondu wamukuyu.
5 “Muloña mpoku yami yakabali yakanwa mashi mumawulu.+
Yakasulukila hadi Edomi nakumusompesha,+Hadi antu innahani kulonda ayijilumuni.
6 Yehova wukweti mpoku yakabali; yakalambankana mashi.
Yakalambankana manji,+Namashi awanyana kanyikoku nawampembi,Namanji akunshiya anyikoku yayizamba.
Muloña Yehova wukweti mulambu muBozira,Wakupwekesha mashi amavulu mwituña daEdomi.+
7 Maboñu añombi* akakunkumukila hamu nawu,Anyana kañombi ayizamba hamu nawantu akweti ñovu.
Ituña dawu dakazowa namashi,Nilunkuñu lwawu lwakazowa namanji.”
8 Muloña Yehova wukweti ifuku dakutenda,+Chaaka chakubabesha kukoola Ziyona.+
9 Tuloña twindi* akatubalumuna manenekela,Nilunkuñu lwindi lukabalumuka sawufa,*Nawa ituña dindi dakekala neyi manenekela anakuha.
10 Hiyakatwesha kuyijima nawufuku hela namwaanaku;Wishi wawu wukatwalekahu kukakumuka.
Wakashala kwamahembi hohu mumakiñu ejima;Kwosi wakahita mudi yena haya nyaaka nanyaakaku.+
11 Dimwakashakamaña nkumbi nichisaka,Nawa dimwakashakamaña tuwenjili nimakololu.
Nzambi wakapima idi ituña namwonji wakupima nachu ninamwonji wakwolola nachu*Nakumwekesha nawu dakekala damukunkulwayi nawa dakadi chuma.
12 Kwosi antu jindi alema akaswanyikawu hawantaku,Nawa ayilolu jindi ejima akajiya.
13 Nyiña yakamena mutuposhi twindi twakola,Tunyuñi niyiputa yanyiña yakamena mumpwembu jindi.
Wakekala mwakushakama nyumbu,+Ikoli dawanyamalanda.
14 Yileñaleña yamuchinkalampata yakadibomba nawanyama adilaña,Nawa mpembi wampata* wakatambika mukwawu.
Eña, kambamba kakashakama nakunookela mwenomu.
15 Kapela kakilukaña kakaalilamu chaala nikusema mateta,Nawa kakatetula nakupompesha nyana muwulelu waku.
Eña, kwenoku dikwakapompela yiyimbi, yakekala iyala nimumbanda iyala nimumbanda.
16 Keñakeñenu mumukanda waYehova nawa mutañimu nezu datiyakana:
Kwosi hela wumu wakabulenahuku;Kwosi hela wumu wakabula mwinikwindiku,Muloña kanwa kaYehova dikanahani ilu lushimbi,Nawa spiritu yindi diyinayipompeshi hamu.
17 Yena Diyi wunayisakuli nachinjikijilu,Nawa chikasa chindi dichinayipimini iluña diyatela kushakamawu.*
Akashakamañamu haya nyaaka;Akashakamañamu mwakahita makiñu ejima.
Tumazu twaheshina
^ Hela “jakashiwuka.”
^ Hela “Añombi ampata ayizamba.”
^ Chakadi nikujina, anakutena Bozira, musumba weneni waEdomi.
^ Iyi sawufa yinateniwu haniyi vasi himalola abutukaña kesi.
^ MuchiHeberu, “malola.”
^ Hela hekwawu, “ndemoni wudi neyi mpembi.”
^ MuchiHeberu, “nayanzañenidu namwonji wakupima nachu.”
