Isaya 35:1-10
35 Isaña niituña dominina jakazañalala,+Nichana chachinkalampata chakazañalala nawa chakakenuka neyi safuroni.*+
2 Mwamweni chakakenuka;+Chakazañalala nikubula nyiñula.
Akachinka kulema kwaLebanoni,+Lubanji lwaKarimeli+ niSharoni.+
Akamona kulema kwaYehova, lubanji lwaNzambi yetu.
3 Koleshenu makasa azeya,Nawa koleshenu manuñu anakuzaala.+
4 Lejenu antu anakwakama munyichima nenu:
“Kolenu. Bayi mutiya womaku.
Tiyenu! Nzambi yenu wakenza nakutenda,Nzambi wakenza nakubabesha.+
Wakenza nakuyamwina.”+
5 Hanoyu mpinji, mesu amputamesu akatona,+Nimatu anjika matu akenzunuka.+
6 Hanoyu mpinji, mukakubalakata wakakiloka neyi mbaala,+Niidimi dakamama dakabula nyiñula.+
Muloña mwisaña mwakabuzika menji,Nimuchana chachinkalampata mwakabuzika tuloña.
7 Iseki dominina nankanza dakekala ijiya mudi mateti,Nawa iseki dakadi menji dakekala natupila twamenji.+
Mumaluña mwashakamaña nyumbu,+Mwakamena munyenvu, mateti ninyilela.
8 Nawa mwakekala njila yeneni,+Njila yeniyi akayitena nawu Njila yaKujila.
Muntu welaña jatama hakenda mwokuku.+
Ayihembela antu ajila hohu;Kwosi chisupi wakahitamuku.
9 Himwakekala mutupaku,Nawa kwosi anyama azuwa amwisaña akenzamuku.
Hiyakekala mwokuku;+Mwakenda hohu antu anakuuliwu.+
10 Antu anakuuliwu kudi Yehova akafunta+ nawa akenza kuZiyona iku anakubula nyiñula.+
Muzañalu wabulaña kumana wakekala kunyitu yawu neyi chibañula.+
Muzañalu nikuwaha jakekala jawu,Nawa chineñi nikwaaba jakaya.+
Tumazu twaheshina
^ Iwu himuchidi wankenu.