Isaya 4:1-6
4 Hanodu ifuku ambanda 7 akakwata iyala wumu nakuhosha+ nawu:
“Tukudaña yakuda* yetuNikuvwala yakuvwala yetu;Eyi twiiteji hohu atuteneña nejina deyiKulonda kusawuka kutufumi.”*+
2 Hanodu ifuku yuma yakameneshayi Yehova yakekala yalubanji nawa yayiwahi. AIsarela akapuluka+ akatiyaña kuwaha nikuzañalala nanyikaabu yamwituña.
3 Muntu wejima wakashala muZiyona nawa akashiyawu muYerusalema akamutena nawu wajila, dikwila nawu ejima adi muYerusalema asonekawu nawu atwalekihu kuhanda.+
4 Hampinji yakazatishayi Yehova ñovu yawunsompeshi niñovu yakwocha*+ hakukosa majilu* awanyana kaZiyona+ awambanda nikukamuna mashi apwekesheliyi Yerusalema kufuma mudi yena,
5 Yehova wakasha cheñi ivu didi nawishi heluña dejima daMpidi yaZiyona niheluña dindi hakupompela kupompa kwamaneni nampinji yamwaana, nawa nawufuku+ wakashaku muzuzu wakesi watoñeka; muloña hewulu dakulema kwejima hakekalaña chuma chakukiñahu.
6 Nawa namwaana, kwakekalaña chisolu+ chakushakamamu nankanza, chakuswamamu nikudikiña kunvula yampepela ninvula.+
Tumazu twaheshina
^ MuchiHeberu, “mankendi.”
^ Dikwila nawu, kusawuka kwakubula kusumbuka nikuvwala anyana.
^ MuchiHeberu, “tuji.”
^ Hela “kufumisha.”
