Isaya 42:1-25
42 Talenu! Kambuñami,+ inakwashaña!
Wami watondewa,+ inatiyaña kuwaha!+
Nashi spiritu yami mudi yena;+Wakaleta wuñanji kunyuza.+
2 Hakabilela hela kunyamuna izu dindiku,Nawa hakatiyakesha izu dindi mumukwakwaku.+
3 Hakakotola iteti dabalokaku,Nawa hamba kajima wanda wunakufwinda wishiku.+
Wakaleta wuñanji munjila yakashinshi.+
4 Hakazeya hela kuchikikaku, sampu naleti wuñanji heseki;+Nawa yituutu yinatwalekihu kuhembelela nshimbi* jindi.
5 Ichi dichinahoshiyi Nzambi walala, Yehova,Nleñi yamawulu nawa Mukakubadika wayitandumwini,+Yowu watandumunaña iseki niyuma yamenañahu,+Wenkaña antu ashakamahu muuya+Nawa wenkaña antu endañahu spiritu,+ nindi:
6 “Ami Yehova, nakutambiki mukuloña;Nakukwati kuchikasa cheyi.
Nukukukiña nawa nukukuhana kwikala chitiyañenu chawantu+Nikwikala chejeji chanyuza,+
7 Kulonda wutoneshi mesu aputa,+Wufumishi kayili* mukaleya kahesekiNikufumisha mukaleya antu ashakama mumwidima.+
8 Yami Yehova. Didu ijina dami;Hinahanaña kulema kwami kudi muntu wudi wejimaku,*Hela mpuhu yami kudi ankishi akubazaku.+
9 Talenu, yuma yakusambila yinahiti dehi;Ichi inakushimuna yuma yayiha.
Henohu kanda yimwekani, ami nayilejeli chadimu.”+
10 Mwimbilenu Yehova kamina kakaha,+Mushimekenu kunsa jeseki,+Enu ejima mwayaña mukaluñalwiji niyuma yejima yenzalamu,Enu yituutu ninenu mwashakamahu.+
11 Isaña ninyisumba yidimu yibileli,+Nyikala mwashakamaña Kedari.+
Ashakamaña mwilola abuli nyiñula;Abileleli hewulu damapidi.
12 Ahani kalemesha kudi YehovaNawa amushimeki muyituutu.+
13 Yehova wakedika neyi chilobu.+
Wakasañumuna iyena dindi neyi mushidika.+
Wakabidika, mwamweni, wakabidika njita;Wakadimwekesha yomweni nindi himukañovu kubadika ayilumbu jindi.+
14 “Nadiwunjiki hadi mpinji yayilehi.
Namweneni nzo-o nawa nadiyuulili ami aweni.
Neyi mumbanda wunakupaapa,Nakaaba, nakwonashana nikusaakwila hampinji yoyimu.
15 Nakajilumuna jimpidi nitupidiNikuumisha yuma yejima yamenahu.
Nakabalumuna tuloña kwikala yituutu*Nikuumisha majiya amenji mudi mateti.+
16 Nakayilombola amputamesu munjila yabula kwilukawu+Nawa nakayidatisha mujinjila mwabulawu dehi kwenda.+
Nakabalumuna mwidima kwikala chejeji iku anakutalaku+Niiluña damankulokela kwikala iluña desekana.+
Ichi dichinakayilila, nawa hinakayuumba chisayikilaku.”
17 Akayimika mushindu nawa akayitiyisha nsonyi chikupu,Ejima akuhwelelaña mudi ankishi akubaza,Ejima alejaña ankishi ayikuñu* nawu: “Yenu anzambi jetu.”+
18 Enu anjika matu, tiyililenu;Enu amputamesu, talenu kulonda mumoni.+
19 Kudihu muntu waputa mesu kubadika kambuñami,Wajika matu chikupu neyi ntemesha innatemeshi?
Hinyi waputa mesu chikupu neyi muntu anasomweniwu,Waputa mesu chikupu neyi kambuña aYehova?+
20 Wamonaña yuma yayivulu, ilaña hiwashañaku maanaku.
Wenzununaña matu eyi, ilaña hiwatiyililañaku.+
21 Hamuloña wakuloña kwindi,Yehova natiyi kuwaha kutohesha nshimbi* nikuyilemesha.
22 Ilaña awa diwu antu anapuupiwu nawa anabuwiwu;+Wejima wawu anayikwatili mumeena nikuyisweka mutuleya.+
Anayipuupi chakadi wakuyamwina,+Nawa anayibuwi chakadi wakuyihoshelaku nindi: “Yifuntishenu!”
23 Hinyi hakachi kenu wukutiya yumiyi?
Wukusha muchima nikutiyilila nakanañachima kuyuma yikamwekana kumpinji yakumbidi?
24 Hinyi wunamuhani Yakoba kulonda amubuwiNawa wunahani Isarela kudi akakupuupa?
Yehova diyi, Owu itwavulumwini.
Wukweti njila yakaaniniwu kwendamu,Nawa wukweti nshimbi* jabulili kwovwahilawu.+
25 Dichi Yena watwalekelihu kumuhuñunwina kuzuwa,Kuzuwa kwindi ninjita yafwana.+
Yajilumwini yuma yadiñayi nayu yejima, ilaña yena hashiliku maanaku.+
Yamubidiminini chikupu, ilaña yena hashiliku muchimaku.+
Tumazu twaheshina
^ Hela “kuleja.”
^ Muntu akasawu mukaleya.
^ Hela “Hinenkañahu kulema kwami muntu wudi wejimaku.”
^ Hela “yikumu yakukaluñalwiji.”
^ Hela “ankishi akweñununa.”
^ Hela “kuleja.”
^ Hela “kuleja.”
