Isaya 43:1-28
43 Yehova,Nleñi yeyi, eyi Yakoba, Owu wakuwumbili, eyi Isarela,+ nahoshi nindi:
“Bayi wutiya womaku, muloña ami nakukuuli.+
Nakutambiki nejina deyi.
Eyi wudi wami.
2 Chiwakahitaña mumenji, nakekala naneyi,+Nawa chiwakahitaña mutuloña, hiwakajiminaku.+
Nawa chiwakahitaña mukesi, hiwakahaku,Hela muzuzu hiwakakubabaku.
3 Muloña yami Yehova Nzambi yeyi,Wajila waIsarela, Chamwinu cheyi.
Nahani Ejipitu, Etiyopiya niSebaKwikala ifutu deyi danyiloña.
4 Muloña wekalili walema kumesu ami,+Nakulemesheli nawa nakukeñi.+
Dichi nakahana antu ninyuzaKulonda akapulwishi wumi weyi.
5 Bayi wutiya womaku, muloña ami nidi naneyi.+
Nakaleta anyaneyi* kufuma kumuselaNawa wejima wenu nakayipompeshela kumujika.+
6 Nakaleja kabeta kakuchimunswa nami, ‘Yilekiku!’+
Nawa kabeta kakuchidiilu nami, ‘Bayi wuyikañeshaku.
Letaku anyanami awamayala kufuma kwakulehi nianyanami awambanda kufuma kunsa jeseki,+
7 Muntu wejima atenañawu nejina dami+Nawa inaleñeleli kulema kwami,Inawumba nawa inatuña.’+
8 Letaku antu aputa mesu, hela chakwila akweti mesu,Nianjika matu, hela chakwila akweti matu.+
9 Nyuza yejima yipompeli mwiluña dimu,Nawa antu ejima apompi hamu.+
Hinyi hakachi kawu wunateli kushimuna chumichi?
Hela komana anateli kutukojeja kutiya yuma yakusambila?*+
Yilekenu aleti ayinsahu jawu kulonda adimwekeshi nawu anakuhosha mwalala,Hela yilekenu atiyilili nawa ahoshi nawu, ‘Iyi nsañu yalala!’”+
10 Yehova nahoshi nindi, “Enu yenu ayinsahu jami,+Eña, kambuñami innatondi,+Kulonda muñiluki nikunkuhwelelaNawa mwiluki chikupu nenu ami nekala chochimu.+
Henohu ami kanda hikwadiñahu Nzambi awumbiliwuku,Nawa hanyima yami hikwakekalahu mukwawuku.+
11 Ami, yami Yehova,+ nawa yami chamwinu hohu, kwosi mukwawuku.”+
12 Yehova nahoshi nindi, “Yami nashimwini yuma yinakela, yami nayamwinini enu nikutiyakesha chumichiHikwabulili nzambi wakutwamba hakachi kenu.+
Dichi yenu ayinsahu jami, nawa yami Nzambi.+
13 Cheñi, ami nekala chochimu;+Nawa kwosi wunateli kuhukula chuma chidi chejima muchikasa chamiku.+
Neyi inakukeña kwila chuma, hinyi wunateli kuchikañesha?”+
14 Yehova, Nkuuli yeyi,+ Wajila waIsarela+ nahoshi nindi:
“Hamuloña wanenu nakatemesha amashidika kuBabiloni kulonda akapasuli nyikomenu yakuyiisu yamusumba,+Nawa aKalideya akadilila mumbopolu jawu muloña wayihuñu.+
15 Yami Yehova, Wajila,+ Nleñi yaIsarela,+ Mwanta wenu.”+
16 Ichi dichinahoshiyi Yehova,Wunakupula mukwakwa mukaluñalwijiNinjila mumenji ampupa,+
17 Waletaña makalu anjita nituwalu,+Amashidika hamu niayilobu añovu, nindi:
“Akakaama la-a heseki nawa akahinduka wanyi.+
Akayijima, akayijima neyi wanda wunakuha.”
18 “Bayi mwanuka yuma yakunyimaku,Nawa bayi musha maana kuyuma yahita dehiku.
19 Tiyenu! Inakwila chuma chachiha;+Chinakumwekana nimakonu.
Enu kuchiluka nehi?
Nukupula njila mwisaña+Nituloña muchinkalampata.+
20 Kanyama wamwisaña wakanlemesha,Nyumbu nianyamalanda,Muloña naletaña menji mwisaña,Nituloña muchinkalampata,+Kulonda antu jami atondewa,+ anweña,
21 Antu inadileñeleliKulonda anshimekeña.+
22 Ilaña wunnatambiki wanyi, eyi Yakoba+Muloña wantiyili kumuchima bwi-i, eyi Isarela.+
23 Hiwunanleteli anyikoku anyilambu yeyi yamukuma yakushitaHela kunlemesha nanyilambu yeyiku.
Hinnakukanjikiji nami wunleteli chawaana,Hela kukuzeyesha kuhitila mukukulomba manaña evumba dadiwahiku.+
24 Hiwanladilili kalamasi yatowala namali eyi,Hela kuñikutisha namanji anyilambu yeyiku.+
Ilaña wunantwinki chiteli chanshidi jeyiNawa wunanzeyeshi nayiluwa yeyi.+
25 Ami, ami yami inakujima yiluwa*+ yeyi muloña wejina dami,+Nawa nshidi jeyi+ nakajanuka cheñi wanyi.
26 Ñanukishi; inzaku tusompi muloña;Shimunaku muloña weyi kulonda tumoni neyi muwunakuhosha mwalala.
27 Nkakulula yeyi watachi wavulumwini,Nawa akakukuhoshelaku* anadikañi nanami.+
28 Dichi nakajilola ayilolu amwiluña dajila,Nawa nakamuhana Yakoba kulonda akamujilumuniNikumuhana Isarela kulonda akamuhoshi mazu akasawuntu.+
Tumazu twaheshina
^ MuchiHeberu, “mbutu.”
^ Hekwawu anakutena yuma yakusambila yakamwekana kumbidi.
^ Hela “yilwilu yakudikaña.”
^ Hekwawu anakutena antañishi aNshimbi.
