Isaya 45:1-25
45 Ichi dichinnahoshi ami Yehova kudi wami wawayishewa, kudi Kirusi,+Owu innakwati kuchikasa+ chindi chachidiiluNimiki nyuza mushindu kumesu indi,+Nimanishi* anyanta ñovu,Nimushinkwili yenzelu yiyedi yadikwata,Kulonda yiisu akabuli kuyenzela, nami:
2 “Ami nakatwaminaku kumbidi yeyi,+Nawa nakesekeja tupidi.
Yenzelu yawuneñu nakayikotola muyikunku,Ninyikomenu yayikuñu nakayiketola.+
3 Nakakwinka maheta adi mumwidimaNimaheta akusweka adi mumaluña aswamanyika,+Kulonda wakeluki neyi yami Yehova,Nzambi yaIsarela, wunakukutambika nejina deyi.+
4 Hamuloña wakambuñami Yakoba niIsarela wami watondewa,Inakukutambika nejina deyi.
Inakukutuumba ijina dakulema, hela chakwila wañilukili wanyi.
5 Yami Yehova, nawa kwosi mukwawuku.
Yami Nzambi hohu, kwosi mukwawuku.+
Nakakukolesha,* hela chakwila wañilukili wanyi,
6 Kulonda antu akelukiKufuma kwaselelaña itena kushika nikudahuminaña*Nawu yami hohu, kwosi mukwawuku.+
Yami Yehova, nawa kwosi mukwawuku.+
7 Yami naleñaña chejeji+ nimwidima,+Naletaña kuwunda+ niyihuñu;+Ami Yehova, yami nelaña yuma yejimiyi.
8 Enu mawulu, nokenu kufuma mwiwulu;+Mavu ahuñununi kuloña.
Iseki daasami nikusoña wamwinu,Nawa diidishi kuloña hampinji yoyimu.+
Ami Yehova, yami innachiili.”
9 Oyihuñu yakamona muntu walwishaña* naNtuñi yindi,*Muloña yena hichitebu chewumba hohuChidi hakachi kayitebu yikwawu yamawumba yidi heseki!
Komana ndambu yinateli kuleja Kañemi* nawu: “Wunakuwumba chumanyi?”+
Hela chuma chiwunawumbi chinateli kuhosha nawu: “Wudana makasa”?*
10 Oyihuñu yakamona muntu walejaña nvwali weyala nindi: “Chumanyi ichi chiwunasemi?”
Niwamwilaña mumbanda nindi: “Chumanyi ichi chiwunakusema?”*
11 Yehova, Wajila waIsarela,+ wakuwumbili nahoshi nindi:
“Komana watela kuñihula hayuma yinakwinzaNikunleja kutalisha hadi anyanami+ ninyidimu yamakasa ami?
12 Yami naleñeli iseki+ niantu ekalahu.+
Yami natandumwini mawulu namakasa ami,+Nawa mazaza ejima ekalamu nayinkaña nshimbi.”+
13 Yehova wamazaza nahoshi nindi: “Nanyamuni muntu mukuloña,+Nawa nakwolola njila jindi jejima.
Diyi wakatuña musumba+ wamiNikusubula ankoli jami chakadi kufweta+ hela kuhana majika kanwa.”*+
14 Yehova nahoshi nindi:
“Maheta* aEjipitu niyuma yakulanda nakulandulula* yamuEtiyopiya niantu ataluka, aSabeyani,Akenza kudi eyi nawa akekala eyi.
Akakulondelaña hanyima mumaleñi.*
Akenza nakudibuka kudi eyi.+
Akalomba kudi eyi nakuhosha nawu, ‘Chalala Nzambi wudi naneyi,+Nawa kwosi mukwawuku; kwosi Nzambi wacheñiku.’”
15 Chalala eyi wudi Nzambi wadiswekaña yomweni,Eyi Nzambi yaIsarela, Chamwinu.+
16 Ejima wawu akayitiyisha nsonyi nikuyisawula;Ejima abazaña ankishi akaya iku anatiyi nsonyi.+
17 Ilaña Isarela akamwamwina kudi Yehova haya nyaaka.+
Enu hiyakayitiyisha nsonyi hela kuyisawula haya nyaaka nanyaakaku.+
18 Muloña Yehova,Nleñi yamawulu,+ Nzambi walala,Wawumbili iseki, wadituñili nakudishimatisha chikupu,+Wadileñeli nindi dibuli kwikala damukunkulwayi,* ilaña wadiwumbili nindi diikali dakushakamamu,+ nahoshi nindi:
“Yami Yehova, nawa kwosi mukwawuku.
19 Hinahosheleli mwiluña daswamanyika,+ mwituña damwidimaku;Anyana* kaYakoba nayilejeli wanyi nami,‘Nkeñakeñenu hohu chamukunkulwayi.’
Yami Yehova, wahoshaña yuma yaloña nawa washimunaña yuma yoloka.+
20 Pompenu hamu mwinzi.
Dipompeshenu hamu, enu ejima anapuluki munyuza.+
Antu anasendi ankishi akubaza, kwosi chuma chelukawukuNawa alombaña kudi nzambi wukubula kuyamwina.+
21 Shimunenu wunsahu wenu, shimunenu muloña wenu.
Yilekenu wejima wawu adihujoli mukuwunda.
Hinyi washimwineñahu dehi chumichi kumashiitaNawa wachibidikili kumafuku akunyima?
Komana ami Yehova, hiyamiku?
Kwosi Nzambi wacheñiku, yami hohu;Nzambi waloña nawa Chamwinu,+ yami hohu, kwosi mukwawuku.+
22 Enu insa jeseki jejima, balumukilenu kudi ami kulonda mupuluki,+Muloña ami yami Nzambi, nawa kwosi mukwawuku.+
23 Nadisanyiki ami aweni;Izu dinafumi mukanwa kami dalala,Nawa hidakafuntaku:+
Manuñu ejima akafukama kudi ami,Madimi ejima akasanyika nakashinshi+
24 Nakuhosha nawu, ‘Chalala mudi Yehova dimwekala kuloña kwalala niñovu.
Ejima amuhilila akenza kudi yena iku anatiyi nsonyi.
25 Anyana* kaIsarela ejima akadimwekesha kuloña+ mudi Yehova,Nawa akadisambila mudi yena.’”
Tumazu twaheshina
^ MuchiHeberu, “Nikasununi nkuma.”
^ MuchiHeberu, “Nakakumanyeka chikupu.”
^ Hela “Kufuma kumusela kushika kumujika.”
^ Hela “kutaadeka.”
^ Hela “wamuwumbili.”
^ Hela “Wunayiwumbi.”
^ Hela hekwawu, “Hela komana ndambu yinateli kuhosha nawu: ‘Chuma chiwunawumbi chidana kwakukwatila’?”
^ Hela “chumanyi chinakuleteli nyisoñu yakuvwala?”
^ Hela “maseleka.”
^ Hela hekwawu, “Akakuzata nyidimu yakola.”
^ Hela “macheni.”
^ Hela hekwawu, “akakulanda nakulandulula.”
^ Hela hekwawu, “dakadi chuma.”
^ MuchiHeberu, “mbutu.”
^ MuchiHeberu, “Mbutu.”
