Isaya 46:1-13
46 Beli hakubandama,+ Nebo hakunoñama.
Ankishi jawu hiyakuyisha hatunyama, hatunyama twasendaña yiteli,+Neyi yiteli yalemenaña anyama azeya.
2 Hiyakunoñama nikubandama hamu;Hiyakutwesha kukwata yiteliku,*Nawa awenawu* anayi muwunkoli.
3 “Ntiyililenu, enu amwitala daYakoba ninenu ejima ashala mwitala daIsarela,+Enu innakwashi kufuma tuhu himwavwalikili nawa inahembeli himwadiña mwivumu.+
4 Kushika tuhu nichimwakakula ami nakekala chochimu;+Nichimwakela invu ami nakatwalekahu kuyihemba.
Neyi chinelaña, nakayisendaña, nakayihembaña nikuyipulwisha.+
5 Hinyi imunateli kunfwanisha nindi hela kuñesekeja nindi hela kunfwikija nindi,+Mwaka tudifwani?+
6 Kudi antu akisañanaña wuru yidi muchikwama chawu;Apimaña siliva hasikelu.
Enkaña mukakuzata nayikuñu mudimu, nawa yena watuñañamu nzambi.+
Kufumahu adibukaña, eña, adifukulañaku.*+
7 Amunyamunaña nakumusha hamafwiji awu;+Amusendaña nakumusha mwiluña dindi, nawa washalaña wemana mwenomu.
Hafumaña mwiluña dindiku.+
Amwaabilaña, ilaña yena hakulañaku;Hanateli kupulwisha muntu hela wumu kuyihuñuku.+
8 Anukenu chumichi, nawa hamukenu.
Shenu chumichi kumuchima, enu akakufumpa nshimbi.
9 Anukenu yuma yakunyima* kwakweni,Mwanukeña nenu yami Nzambi, nawa kwosi mukwawuku.
Yami Nzambi, nawa kwosi mukwawu wudi neyi amiku.+
10 Kufuma tuhu kutachi nashimunaña yuma yikamwekana kumbidi,Nawa kufuma kumashiita nashimunaña yuma yichidi kanda ayili.+
Nahoshaña nami, ‘Yuma yinnafuukuli yakashikijewa,+Nawa nukwila chejima chinnakeñi.’+
11 Inakutambika kada chikwata kufuma kwaselelaña itena,*+Muntu kufuma kwituña dakwakulehi kulonda eli mwinnafuukuli.+
Nahoshi dehi, nawa nakelamu.
Nafuukuli dehi, nawa nakelamu.+
12 Ntiyililenu, enu mwachinchika nyichima,Enu mudi kwakulehi nakuloña.
13 Naleti kuloña kwami kwakwihi;Hikudi kwakulehiku,Nawa wamwinu wami wakalaba wanyi.+
Nakaleta wamwinu muZiyona, nakamwinka Isarela lubanji lwami.”+
Tumazu twaheshina
^ Dikwila nawu, ankishi anashiwu hatunyama.
^ Hela “mawumi awu.”
^ MuchiHeberu, “amubandaminaña.”
^ MuchiHeberu, “yatachi.”
^ Hela “kumusela.”
