Isaya 47:1-15
47 Twaya wushakami mulunkuñu,Eyi mujiki* mwana kaBabiloni wamumbanda.+
Shakamaku hamaseki hakadi itanda,+Eyi mwana kawaKalideya wamumbanda,Muloña antu hiyakakutena cheñi nawu wamwovu hela wasweja kulemaku.
2 Nonaku ilola dakuhalilahu nawa wuhali wuña walembuluka.
Vuulaku chitambala.
Vuulaku siketi yeyi, wushiyi nyendu yeyi hatooka.
Zambukaku tuloña.
3 Nzekesi yeyi yikamwekana.
Nsonyi yeyi yikashala hatooka.
Nakatenda,+ nawa kwosi muntu wakankañeshaku.
4 “Wunakutukuula—Ijina dindi diyi Yehova wamazaza—HiWajila waIsarela.”+
5 Shakamaku hana nzo-o nawa yaku mumwidima,Eyi mwana kawaKalideya wamumbanda;+Hiyakakutena cheñi nawu Mwanta Wamumbanda wamaWantaku.+
6 Nayihililili antu jami.+
Najiloleli wuswana wami,+Nawa nayihanini muchikasa cheyi.+
Ilaña eyi wayitiyilili luwi wanyi.+
Niakulumpi niwena wayishili mpaanda yalema.+
7 Wahosheli neyi: “Ami nukutwalekahu kwikala Mwanta Wamumbanda, haya nyaaka.”+
Hiwashiliku muchima kuyumiyiku;Watoñojokeli hayuma yikafumamu wanyi.
8 Ichi dinu tiyaku chumichi, eyi wakeña jakuzañalesha,+Eyi washakamaña mwakiñewa, wahoshaña mumuchima weyi neyi:
“Yami hohu, nawa kwosi mukwawuku.+
Nakekalahu ntuluwa wanyi.
Hinakatiyahu chichatiyakanaña kufwisha anyanaku.”+
9 Ilaña iyi yuma yiyedi yakakushikena mukukasumwisha, mwifuku dimu hohu:+
Kufwisha anyana niwuntuluwa.
Jakakushikena chikupu+Muloña* wawuloji weyi wasweja ninyikayi yeyi yejima yañovu.+
10 Wakuhweleleli mukutama kweyi.
Wahosheli neyi: “Kwosi wammonañaku.”
Maana eyi nikwiluka kweyi diyuma yakusenwishili munjila,Nawa wahoshaña mumuchima weyi neyi: “Yami hohu, nawa kwosi mukwawuku.”
11 Ilaña makabi akakushikena,Nawa kwosi waña weyi wakayikañeshaku.*
Yihuñu yakenza hadi eyi; hiwakatwesha kuyikañeshaku.
Kujilumuka kuwabulahu dehi kutoñojokahu kwakakushikena mukukasumwisha.+
12 Dichi, twalekakuhu nanyikayi yeyi niwuloji weyi wasweja,+Jiwunakabakeni kufuma tuhu kuwansi weyi.
Hadaha jinateli kukukwasha;Hadaha wunateli kutiyisha nachu antu woma.
13 Wunazeyi muloña wakusweja kuvula kwawantu akulejaña maana.
Yileki emani kulonda akwamwini,Ejima adifukulaña kumawulu,* abanjilaña tutumbwa,+Ejima ashimunaña hatukweji twatuhaYuma yakakumwekena.
14 Tiyaña! Adi neyi nsaachi.
Kesi kakayocha.
Hiyanateli kudamwina awenawu* kumuzuzu waswejaku.
Awa bayi neyi himakala akwotaku,Nawa aka bayi neyi hikesi kakushakamakuku.
15 Niantu jeyi akawaña dichakekalawu kudi eyi,Owu iwakabakeni nawu kufuma tuhu kuwansi weyi.
Akaluluta, muntu-himuntu wakaya mwankawindi.*
Hikwakekala hela wumu wakukwamwinaku.+
Tumazu twaheshina
^ Iwu himumbanda wabula kukaamahu dehi neyala.
^ Hela hekwawu, “Hela chakwila.”
^ Hela “Nawa hiwakayikañesha nawaña weyiku.”
^ Hela hekwawu, “ejima anzañanaña mawulu; Akakuhoña natutumbwa.”
^ Hela “wumi wawu.”
^ MuchiHeberu, “kwiluña dindi.”
