Isaya 49:1-26
49 Enu yituutu, ntiyililenu,Ninenu nyuza yidi kwakulehi chikupu, ntiyililenu nakanañachima.+
Yehova wantambikili henohu kanda nivwaliki.*+
Kufuma tuhu mpinji yinadiña mwivumu damama yami wateneneña ijina dami.
2 Welishili kanwa kami neyi mpoku yakabali yatwa;*Nansweki muwulelu wachikasa chindi.+
Wañilishili kwikala muvu wunakukejima;Wanswekeli mwipakumuna dindi danyivu.
3 Wanlejeli nindi: “Eyi Isarela, yeyi kambuñami,+Munukumwekeshela lubanji lwami.”+
4 Ilaña ami nami: “Nakabakani hohu mwamukunkulwayi.
Ñovu jami jinayi hohu mumenji, mwamukunkulwayi.
Ilaña Yehova wukunsompelaku,Nawa Nzambi diyi wakanfweta.”*+
5 Ichi dinu Yehova, wanwumbili mwivumu nindi niikali kambuñindi,Nanleji nindi nifuntishi Yakoba kudi yena,Kulonda Isarela akapompi kudi yena.+
Akanlemesha kumesu aYehova,Nawa Nzambi yami wakela wekala dehi ñovu yami.
6 Nawa wahosheli nindi: “Hiwudi hohu kambuñamiWakunyamuna nyichidi yaYakobaNikufuntisha owu apulwishiliwu hadi Isarela hohuku,
Ilaña nakuhani cheñi wiikali chejeji chanyuza,+Kulonda wamwinu wami wushiki kunsa jeseki.”+
7 Ichi dichinahoshiyi Yehova, Nkuuli yaIsarela, windi Wajila,+ kudi muntu anadiwuliwu,+ kudi muntu ahelawu kudi nyuza, kudi kambuña awanyuuli, nindi:
“Anyanta akamona nawa akemana,Nawa ayilolu akadibukaMuloña waYehova, washinshika,+Wajila waIsarela, wunakutondi eyi.”+
8 Yehova nahoshi nindi:
“Nakwakwili mumpinji yayiwahi,+Nawa nakukwashili mwifuku dawamwinu;+Natwalekelihu kukukiña kulonda nukuhani kwikala chitiyañenu chawantu,+Kulonda wuwahishi ituña,Kulonda wuyilishi afunti kuwuswana wawu washalili mahembi,+
9 Kulonda wuyileji atuyili* neyi, ‘Idikenu!’+
Nawa adi mumwidima+ neyi, ‘Solokenu!’
Akadiilaña kunsa janjila neyi anyikoku,Kunsa yanjila jejima jaleka dehi kuzatika* dikwakekala kumaluña awu akudiila.
10 Hiyakatiya nzala hela kufwa mpwilaku,+Nawa nkanza hela itena hidakayochaku.+
Muloña yena wayitiyilaña luwi wakayilombola,+Nawa wakayitwala kutuseloki twamenji.+
11 Nakelisha mpidi jami jejima kwikala mukwakwa,Nawa nyikwakwa yami yamaneni yakazanduka.+
12 Tiyenu! Awa anakufuma kwakulehi chikupu,+Nawa tiyenu! awa anakufuma kukabeta kakuchimunswa nikumujika,Nawa awa amakwawu anakufuma kwituña daSinimi.”+
13 Enu mawulu, bulenu nyiñula, nawa enu maseki, zañalalenu.+
Mpidi jidikuwi namuzañalu waweni.+
Muloña Yehova nakundeji antu jindi,+Nawa nayitiyili luwi antu jindi anakukabakana.+
14 Ilaña Ziyona watwalekelihu kuhosha nindi:
“Yehova nanshiyi chisayikila+ nawa Yehova nanlalameni.”+
15 Komana mumbanda nateli kulalamena mwanindi wunakwamwaHela kubula kutiyila wushona mwanindi wakudivwela?
Hela neyi awa ambanda akulalamena, ilaña ami nakakulalamena wanyi.+
16 Tiyaña! Nakubazili muchikasa chami.
Mbañu jeyi najimonaña mpinji yejima.
17 Anyaneyi ananyakali kufunta.
Antu akuhumwini nikukujilumuna akakwamuka.
18 Fumbulaku mesu eyi wutali kutubadi twejima.
Ejima wawu anakudipompesha hamu.+
Anakwinza kudi eyi.
Yehova nahoshi nindi: “Kwesekeja nachinahanda ami,Eyi wakayivwala wejima wawu neyi yingelingeli,Nawa wakadikasawu neyi chelañayi kankaña.
19 Hela chakwila maluña eyi ayikisañeni nikuyishiya mahembi nawa ituña deyi adijilumwini,+Ilaña ichi dakayikehela chikupu antu akashakamañamu,+Nawa antu akuminyini+ akekala kwakulehi.+
20 Anyana avwalikili hiwafwishili akahosha iku wunakutiyaku nawu,‘Idi iluña dinatukeheli chikupu.
Tuloñesheli iluña ditwatela kushakamahu kunu.’+
21 Nawa wakahosha mumuchima weyi neyi,‘Iyalanyi wunanvwalili awa anyana,Henohu ami nafwisha dehi anyana nawa hinukutwesha kuvwala anyana cheñiku,Nidi nkoli nawa kayili?*
Hinyi wunayikulishi?+
Tiyenu! Ami nashalili nkawami hohu,+Hanu dinu awa anyana anafumi kudihi?’”+
22 Yehova Mwanta Wabadika nahoshi nindi:
“Tiyaña! Nakanyamwina nyuza chikasa chami,Nawa nakanyamwina antu chinjikijilu* chami.+
Akaleta anyaneyi awamayala mumakasa awu*Nawa akasenda anyaneyi awambanda hamafwiji awu.+
23 Anyanta akekala anhembi jeyi,+Nawa anyana kamwanta awambanda akekala anhembi jeyi.
Akadibuka kudi eyi chamesu heseki+Nawa akalasha lunkuñu lwakunyendu yeyi,+Nawa dihiwakeluka neyi yami Yehova;Antu anchiñejaña akatiya nsonyi wanyi.”+
24 Komana antu akwatawu dehi kudi chilobu anateli kuyifumisha kudi yena,Hela ankoli akwatawu kudi muntu wakabishanaña anateli kuyipulwisha?
25 Ilaña Yehova nahoshi nindi:
“Hela ankoli akwatawu kudi chilobu akayisenda,+Niantu akwatawu kudi muntu wakabishanaña akayipulwisha.+
Nakadikaña nawantu adikañaña naneyi,+Nawa nakapulwisha anyaneyi.
26 Nakelisha antu akukabishaña kuda nyijimba yawu aweni,Nawa akasheta mashi awu neyi kwiji ananwi vinyu yatowala.
Nawa antu ejima* dihakelukawu nawu yami Yehova,+Chamwinu cheyi+ nawa Nkuuli yeyi,+Mukañovu waYakoba.”+
Tumazu twaheshina
^ MuchiHeberu, “nichidi mwivumu.”
^ Hela “yawambuka.”
^ Hela “wuloku.”
^ Antu akasawu mukaleya.
^ Hela hekwawu, “hewulu datupidi.”
^ Muntu akasawu mukaleya.
^ MuchiHeberu, “hantulu.”
^ Hela “chishimi chachinjikijilu.”
^ MuchiHeberu, “nyijimba yejima.”
