Isaya 51:1-23
51 “Enu munakufwila kuloña, ntiyililenu,Enu munakumukeñakeña Yehova.
Talenu kwilola kwayipokweliwuNimwibuku mwayipundiliwu.
2 Talenu kudi tata yenu AbarahamaNikudi Sara+ wayivweli.*
Muloña diyi wadiñaku hohu hinamutambikili,+Nawa namukiswilili nikumuvulisha.+
3 Muloña Yehova wakamukundeja Ziyona.+
Wakawahisha* yuma yindi yejima yakisika,+Nawa wakelisha isaña dindi kwikala neyi Edeni+Nawa chana chindi chachinkalampata chakekala neyi itempa daYehova.+
Mudi yena mwakekala muzañalu nikutiya kuwaha,Tumina twakusakilila nawa twavuma chiwahi.+
4 Enu antu jami, ntiyililenu nakanañachima,Nineyi muza wami,+ nteñelekeli itu deyi.
Muloña kudi ami kwakafuma nshimbi,+Nawa wuñanji wami nakawilisha kwikala chejeji kudi antu.+
5 Kuloña kwami kunaswini kwakwihi.+
Wamwinu wami wudi munjila,+Nawa chikasa chami chakasompesha antu.+
Yituutu yakakuhwelela mudi ami,+Nawa yakachiñilila chikasa* chami.
6 Fumbulenu mesu enu mumawulu,Nawa talenu heseki.
Muloña mawulu akajimañana neyi wishi;Iseki dakafwa neyi chakuvwala,Niantu ashakamahu akafwa neyi mbwibu.
Ilaña wamwinu wami wakekala wahaya nyaaka,+Nawa kuloña kwami hikwakamanaku.*+
7 Enu mweluka kuloña, ntiyililenu,Antu akweti nshimbi* yami munyichima yawu.+
Bayi mutiya woma kasawuntu kawantu afwañaku,Nawa bayi muchiina nanochu chayitukañawuku.
8 Muloña kabubu kakayida neyi chakuvwala;Kabubu kadaña* yakuvwala kakayida neyi wanda.+
Ilaña kuloña kwami kwakatwalekahu haya nyaaka,Niwamwinu wami wakatwalekahu kumakiñu ejima.”+
9 Tonaku, Tonaku! Vwalaku ñovu,Eyi chikasa chaYehova!+
Tonaku neyi chiwelili kumafuku akunyaaka oko-o, neyi chiwelili kumakiñu akunyima.
Komana hiyeyi wamuketoleli Rahaba*+ muyikunku,Wapwikili luchuma lwamukaluñalwijiku?+
10 Komana hiyeyi womishili menji akaluñalwiji, manyiñi akunama chikupuku?+
Hiyeyi welishili manyiñi akaluñalwiji kwikala mukwakwa hakuzambukila antu akuuliliwuku?+
11 Antu jaYehova akuulewa akafunta.+
Akenza kuZiyona iku anakubula nyiñula,+Nawa muzañalu wabulaña kumana wakekala kunyitu yawu neyi chibañula.+
Muzañalu nikuwaha jakekala jawu,Nawa chineñi nikwaaba jakaya.+
12 “Ami aweni yami inakuyikundeja.+
Muloñadi chimukutiyila woma muntu wakafwa+Nawa mwana kamuntu wakooma neyi choomaña matahu atuuta?
13 Muloñadi chimwamuvulamenaña Yehova Ntuñi yenu,+Watandumwini mawulu+ nikwaala chikuku cheseki?
Nawa ifuku dejima mwatwalekelihu kuchiina kuzuwa kwamuntu wayikabishileña,Neyi kwiji wadi kutwesha kuyijilumuna.
Hanu dinu, kuzuwa kwamuntu wayikabishileña kudi kudihi?
14 Muntu akasawu mumaleñi* keña amuumbiku;+Wakafwa nakuya mwibuku wanyi,Nawa hakakaankila yakudaku.*
15 Ilaña ami yami Yehova Nzambi yenu,Wavundulaña kaluñalwiji nawa waleteshaña mankanda aku kubwankañila+—Ijina dindi diyi Yehova wamazaza.+
16 Nakasha mazu ami mukanwa kenu,Nawa nakayibuta nawulelu wachikasa chami,+Kulonda nakashi mawulu mumaluña awu nikwaala chikuku cheseki+Nikumuleja Ziyona nami, ‘Mudi antu jami.’+
17 Tonaku! Tonaku! Imanaku, eyi Yerusalema,+Eyi wunanwi kuchikasa chaYehova kaapu* kakuzuwa kwindi.
Wunanwi kaapu;Wunamanishi kaapu kaleteshaña kutedañila.+
18 Hakachi kawanyanindi ejima avweliyi, hosi mwana niwumu wakumulombolaku,Nawa hakachi kawanyanindi ejima akulishiliyi, hosi mwana niwumu wunamukwati kuchikasaku.
19 Anakushikeni kudi iyi yuma yiyedi.
Hinyi wakakutiyila wushona?
Kujilumuka nikukisika, nzala nimpoku yakabali!+
Hinyi wakakukundeja?+
20 Anyaneyi anahwidili.+
Anakaamujoki hakonekela nyikwakwa yejima*Neyi anyikoku amwisaña anafwi mumuhetu.
Anasheti nakuzuwa kwaYehova, kuzuwa kwaNzambi yeyi.”
21 Dichi tiyililaku kuchumichi,Eyi mumbanda wunakabakani nawa wunasheti, hela chakwila hiwunasheti navinyuku.
22 Yehova Mwanta weyi, Nzambi yeyi wakiñaña antu jindi, nahoshi nindi:
“Tiyaña! Nakakutambula muchikasa cheyi kaapu kaleteshaña kutedañila,+Kaapu* kakuzuwa kwami;Wakakinwahu cheñi wanyi.+
23 Nakakisha muchikasa chawantu akukabishaña,+Owu akwilili* nawu, ‘Bulamanaku kulonda twendi hewulu deyi!’
Dichi welishili nyima yeyi kwikala neyi iseki,Neyi mukwakwa mwatela kwendawu.”
Tumazu twaheshina
^ Hela “wayivweli nanyisoñu yakuvwala.”
^ MuchiHeberu, “Wakakundeja.”
^ Hela “ñovu.”
^ Hela “hiyakakwijiyishaku.”
^ Hela “kuleja.”
^ Hela hekwawu, “muzambu.”
^ Talenu Kulumbulula.
^ Hela “mumacheni.”
^ MuchiHeberu, “mankendi.”
^ Hela “lupasa.”
^ MuchiHeberu, “hanyitu yanyikwakwa yejima.”
^ Hela “Lupasa.”
^ Hela “alejeli wumi weyi.”
