Isaya 53:1-12
53 Hinyi wunakuhweleli muchuma chatiyiliyi kudi etu?*+
Nawa hinyi anasolweliwu+ chikasa chaYehova?+
2 Wakenza kudi yena* neyi mutayi,+ neyi muji mumpata yominina.
Wamwekanaña chatama nawa walubanji wanyi;+Nawa neyi tumumona, hitwakeñaña nikuswina kwakwihi nayenaku.
3 Amudiwili nawa amutondolweleleña kudi antu,+Himuntu watiyishishili yihuñu nawa welukili chekala yikatu.
Chadiña tuhu neyi kwiji atuswekeli chamesu indi.*
Amudiwili nawa amumweneña neyi wamukunkulwayi.+
4 Mwamweni yena wasendeli yikatu yetu,+Nawa wasendeli niyihuñu yetu.+
Ilaña etu twamweni neyi Nzambi namweti nachipupu nikumukabisha.
5 Ilaña amupwikili+ hamuloña wakwila twafumpili nshimbi;+Amuchikili muloña wayiluwa yetu.+
Amubabesheli kulonda etu tumwenimu kuwunda,+Nawa muloña wayilonda yindi etu atuukili.+
6 Kufwana anyikoku, wejima wetu tunajimbelimu,+Iwu nimwindi, iwu nimwindi,Nawa Yehova nashi kuluwa kwanetu ejima hadi yena.+
7 Amukabishili+ nawa wetejeli kumwila chatama,+Ilaña yena haasamini mukanwaku.
Amuleteli nakumujaha neyi kwiji mukoku,+Neyi mukoku wamukaji wunamweni hamutewileñawu,Nawa yena haasamini mukanwaku.+
8 Hamuloña wamakabi niwunsompeshi, amusendeli;Nawa hinyi wakasha maana kunsañu yekiñu dindi?*
Muloña amufumishili mwituña dawamomi;+Amweteli* muloña antu jami afumpili nshimbi.+
9 Nawa amwinkeli ijamu hamu nawantu atama,+Nawa wafwilili hamu namuntu waheta,*+Hela chakwila hakoñelihu chuma chatamaku,*Nawa mukanwa kindi himwadiñahu makudiku.+
10 Ilaña yadiña nkeñelu yaYehova* yakwila nawu amuchiki, nawa wamulekeli nindi akati.
Neyi wakahana wumi windi kwikala mulambu wahanshidi,+Yena wakamona anyanindi,* wakamuvulishila mafuku indi,+Nawa kuhitila mudi yena nkeñelu yaYehova yikashikijewa.+
11 Muloña wayihuñu yindi,* wakamona yuma yineliyi nawa wakatiya kuwaha.
Nawa muloña wakwiluka kwindi, muntu waloña, kambuñami,+Wakakwasha antu amavulu kwikala aloña,+Nawa wakasenda yiluwa yawu.+
12 Muloña wachumichi, nakamwinka iseka hamu nawantu amavulu,Nawa wakanzañana yuma yakupuupa hamu nawakañovu,Muloña wahuñunwini wumi windi kushika nichafwiliyi+Nawa amuchindilili hamu nawakakufumpa nshimbi;+Wasendeli nshidi jawantu amavulu,+Nawa wayihosheleliku akakufumpa nshimbi.+
Tumazu twaheshina
^ Hela hekwawu, “mutwatiyili?”
^ “Yena” yinateli kutalisha kudi muntu wunakutala hela kudi Nzambi.
^ Hela hekwawu, “Wadiña tuhu neyi muntu afutaleleleñawu kudi antu.”
^ Hela “kuchihandilu chindi chejima?”
^ Hela “Amujahili.”
^ MuchiHeberu, “nasamaheta.”
^ Hela “hazuñilihu ndombuku.”
^ MuchiHeberu, “mbutu.”
^ Hela “Ilaña Yehova watiyili kuwaha.”
^ Hela “wakukabakana kwawumi windi.”
