Isaya 55:1-13
55 Inzenu, enu ejima munatiyi mpwila,+ inzenu musendi menji!+
Enu munabuli mali, inzenu mutambuli yakuda mudii!
Eña, inzenu mutambuli vinyu nimayeli+ chakadi kufweta mali, chamukunkulu.+
2 Muloñadi chimwakisañenaña mali enu kuyakuda yabula kwikala yalala,Nikuzatisha mali enu* kuyuma yabulaña kuleta muzañalu?
Ntiyililenu nakanañachima, nawa denu yakuda yayiwahi,+Nawa mukutiya kuwaha chikupu mukuda yakuda yayiwahi.*+
3 Teñelekenu matu enu nawa mwinzi kudi ami.+
Tiyililenu kulonda mutwalekihu* kuhanda,Nawa chalala nakatiyañana chitiyañenu chahaya nyaaka nanenu+Kwesekeja namazu akukeña kwakashinshi amulejeliwu Davidi, mazu alala.*+
4 Tiyenu! Namutondeli kwikala chinsahu+ kunyuza,Nlomboli+ nawa mukulumpi+ kunyuza.
5 Tiyaña! Wakatambika muza iwabula kwiluka,Nawa antu amumuza abula kukwiluka akatemukila kudi eyiMuloña waYehova Nzambi yeyi,+ Wajila waIsarela,Muloña wakakulemesha.+
6 Mukeñakeñi Yehova yoyinu mpinji yiwunateli kumuwana.+
Mutambiki hachidiyi kwakwihi.+
7 Muntu watama aleki kukoña yatama,+Nawa mukakuluwalala aleki kutoñojoka yuma yatama;Afunti kudi Yehova, nawa yena wukumutiyila luwi,+Afunti kudi Nzambi yetu, muloña yena wukumwanakena nankashi.*+
8 Yehova nindi: “Muloña yitoñojoka yami yidi neyi yitoñojoka yenu wanyi,+Nawa njila jami jidi neyi njila jenu wanyi.
9 Muloña neyi chaleha mawulu kubadika iseki,Ninjila jami dichijabadika njila jenuNiyitoñojoka yami dichiyabadika yitoñojoka yenu.+
10 Neyi chanokaña nvula nisino* kufuma mwiwuluChakadi kufunta mwiwulu sampu yinazoweshi iseki, kulonda dimeneshi nikututwisha yuma,Nakuleta mbutu kudi mukakukuwa niyakuda kudi mukakuda,
11 Dichakekala niizu dinafumi mukanwa kami.+
Hidakafunta kudi ami chakadi kwilahu chumaku,+Ilaña dakela chejima chinnakukeña,*+Nawa dakela chuma chejima chinnaditemesheli nami diili.
12 Muloña enu mwakaya iku munazañalali,+Nawa akayifuntisha mukuwunda.+
Mpidi nitupidi jakazañalala nakubula nyiñula kumesu enu,+Nawa nyitondu yamwisaña yejima yaketa nkoshi.+
13 Chatela kumeni yiputa yanyiña, kwakamena mutondu wamunjunga,+Nawa chatela kumeni kanyuñi, kwakamena yibuubu.
Nawa chumichi chakaleta mpuhu kudi* Yehova,+Chinjikijilu chahaya nyaaka chakabula kujiya.”
Tumazu twaheshina
^ Hela “mali amashi mumazulu.”
^ MuchiHeberu, “yamanji.”
^ Hela “akuhwelelewa; ashindamenewa.”
^ Hela “wumi wenu wukutwalekahu.”
^ Hela “chakufuma hamuchima.”
^ Hela “nvula yachishika yitooka.”
^ Hela “nkeñelu yami.”
^ Hela “chikatiyakesha ijina.”
