Isaya 57:1-21
57 Muntu waloña najilumuki,Ilaña kwosi wunashiku muchimaku.
Antu ashinshika anayisendi,*+Chakadi muntu hela wumu kwiluka nindi antu aloña anayisendiMuloña wayihuñu.
2 Weñilaña mukuwunda.
Antu ejima endaña mukuloña, anookelaña hatudidi twawu.*
3 “Ilaña enu, inzenu kwakwihi,Enu anyana kamukakuhoña wamumbanda,Enu anyana kachivumbi nawa nyakalwalu:
4 Hinyi imunakuseha?
Hinyi imunakwasamina mutunwa twenu nikwidishila madimi?
Komana enu himudi anyana kakufumpa nshimbi,Anyana kakutwamba,+
5 Owu atiyilaña wuvumbi munyitondu yamaneni,+Mwishina damutondu wejima wawuwahi,+Ajahilaña anyana muyinekineki,*+Munyaji yamalolaku?
6 Malola asenena amuchinekineki* didu iseka deyi.+
Eña, diwu iwunatondi nachinjikijilu.
Nikwena dikuwahuñunwinaña nyilambu yavinyu nikuhana yawaana.+
Komana ami nateli kutiya kuwaha* nayumiyi?
7 Waalili kadidi keyi hampidi yanyuña nawa yayilehi,+Nawa wayili henohu nakulambula mulambu.+
8 Kunyima yachiisu nikuchipamba dikuwemika chinjikijilu chachanukishu cheyi.
Wanshiyili nawa wadivuulili;Wakandukili hewulu nawa watohesheli kadidi keyi.
Nawa watiyañeni chitiyañenu nawu.
Watiyileña kuwaha kukaama hakadidi kawu,+Nawa washinshikileña hachiidi chalusemu chamuntu weyala.*
9 Wayili kuMeleki* namanjiNinamanji amavulu evumba dadiwahi.
Watemesheli antemesha eyi kwakulehi nankashi,Chakwila wakunkumukilili Mwijamu.*
10 Wunadikabishi hakulondela njila jeyi jajivulu,Ilaña wahosheli wanyi neyi, ‘Kwosi chuma chakafumamuku!’
Wekalili nañovu cheñi.
Dichinaleteshi wubuli kuleka.*
11 Hinyi iwafwili mutentu nikutiya womaMwaka wutachiki kutwamba?+
Hiwañanukiliku.+
Kwosi chuma chiwashili muchimaku.+
Komana hinnamweni nzo-o nikudiwunjikaku?*+
Ilaña eyi kuntiya woma nehi.
12 Nakasolola ‘kuloña kweyi kwakutwamba’+ ninyidimu yeyi,+Nawa hijakakukwashaku.+
13 Neyi wulomba wukwashu,Ankishi jeyi iwadikuñulwila akakupulwisha wanyi.+
Wejima wawu akayilelula kudi mpepela,Muuya hohu diwakayilelula,Ilaña muntu waswamaña mudi ami wakaswana ituñaNawa wakashakama hampidi yami yajila.+
14 Muntu wakahosha nindi, ‘Pulenu, pulenu mukwakwa! Loñeshenu njila!+
Fumishenu chuma chejima chakuhukesha munjila yawantu jami.’”
15 Muloña ichi dichinahoshiyi Wabadika chikupu,Washakamaña haya nyaaka+ nawa wukweti ijina dajila,+ nindi:
“Nashakamaña mwiluña dahewulu nawa dajila,+Nawa nashakamaña nawantu achikeka nawa adizoza mumuchima,*Kulonda nikoleshi nyichima yawantu adizozaNikukolesha nyichima yawantu achikeka.+
16 Muloña ami nakayikaana haya nyaaka wanyiHela kutwalekahu kuhila;+Muchima wamuntu keña azeyi muloña wanami,+Niyileñaleña yonaña yinaleña.
17 Nahilili muloña wanshidi yindi yakufwila kuhetela muwupwapoki,+Dichi namweteli, naswekeli kumesu ami nawa nahilili.
Ilaña watwalekelihu kwenda neyi mukakusekesha,+ nakulondela muchima windi.
18 Namoni njila jindi,Ilaña nakamuuka+ nikumulombola+Nawa nakamukundeja yena+ niantu anakudilila nindi hamu.”+
19 Yehova nahoshi nindi, “Inakuleña nyikaabu yakunyivumbu.
Muntu wudi kwakulehi niwudi kwakwihi, akayinka kuwunda kwahaya nyaaka,+Nawa nakamuuka.”
20 “Ilaña antu atama adi neyi kaluñalwiji katwalekañahu kubwankañila chakadi kuwunda,Nawa menji aku atwalekañahu kuvundola yuma yamena mukaluñalwiji nimalowa.
21 Kwosi kuwunda kudi antu atamaku,”+ dichinahoshiyi Nzambi yami.
Tumazu twaheshina
^ Dikwila nawu, anafwi.
^ Dikwila nawu, mwijamu.
^ Hela “munyihoñi.”
^ Hela “Komana nateli kudikundeja.”
^ Hela “amumuhoñi.”
^ Hadaha anakutena kudifukula kudi ankishi.
^ Hela hekwawu, “kudi mwanta.”
^ Hela “Shelu,” dikwila nawu, ijamu dawantu ejima. Talenu Kulumbulula.
^ MuchiHeberu, “kuzeya.”
^ Hela “nikusweka nsañuku?”
^ MuchiHeberu, “adizoza muspiritu.”
