Isaya 63:1-19
63 Hinyi iwu wunakwinza kufuma kuEdomi,+Kufuma kuBozira+ iku navwali yakuvwala yawulombu watamuka,*Iwu wunavwali yakuvwala yalubanji,Wunakwenda nañovu jindi jasweja?
“Yami, Owu wunakuhosha mukuloña,Wukweti ñovu jasweja jakwamwina.”
2 Wunavwalilidi yakuvwala yichinana,Nawa muloñadi yakuvwala yeyi chiyinakumwekena neyi yamuntu wunakukamuna vinyu?+
3 “Nadatola muwukamwinu wavinyu nkawami.
Kwosi muntu hela wumu wadiña nanamiku.
Natwalekahu kuyidatola nakuhila kwami,Nawa natwalekahu kuyichika nakuzuwa kwami.+
Mashi awu asampokela kuyakuvwala yami,Nawa nakoweshi yakuvwala yami yejima.
4 Muloña ifuku dakutenda dindi mumuchima+ wami,Nawa chaaka chawantu jami akuulewa chinashiki.
5 Natalatala, ilaña hikwadiña muntu wakukwashanaku;Nahayama hakumona nami kwosi muntu wakwashanaku.
Dichi chikasa chami chanletela wamwinu,*+Nawa kuzuwa kwami dikwankwasha.
6 Nadatola antu ashiyashana nakuhila kwami,Nayishetesha nakuzuwa kwami+Nawa nahuñunwina mashi awu hamaseki.”
7 Nakashimuna nyidimu yaYehova yakukeña kwakashinshi,Nyidimu yaYehova yatela kushimekewa,Muloña wayuma yejima yinatwililiyi Yehova,+Yuma yayivulu yayiwahi yinayililiyi amwitala daIsarela,Kwesekeja naluwi lwindi nikukeña kwindi kwakashinshi kwabadika.
8 Muloña wahosheli nindi: “Chalala hiyantu jami, anyana akabula kufumpa kashinshi kawu.”*+
Dichi wekalili Nkuuli yawu.+
9 Mpinji yejima yahitileñawu muyihuñu chamukatileña kumuchima.+
Nawa ntemesha yindi yomweni* diyi wayamwinini.+
Wayikuulili muloña wakukeña kwindi niwushona,+Nawa wayinyamwini nakuyisenda mwahitili mafuku ejima akushankulu.+
10 Ilaña adikañili+ nikuneñesha spiritu yindi yajila.+
Kufumahu, wabalumukilili kudi ayilumbu jawu,+Nawa wazuñili nawu.+
11 Nawa anukili mafuku akushankulu,Mafuku akambuñindi Mosi nawu:
“Indi Owu wayifumishili mukaluñalwiji+ nawatubiña amukanka wayimuna yindi wudi kudihi?+
Wudi kudihi Owu washili spiritu yindi yajila mudi yena,+
12 Owu welishili chikasa chindi chalema kuyila hamu nachikasa chaMosi chachidiilu,+Owu waambwili menji hamesu awu+Nakudituñila yomweni ijina dahaya nyaaka,+
13 Owu wayilishili ahiti mumenji ampupa,*Chakwila endeli chakadi kukala,Neyi kawalu kadi muchana?*
14 Neyi chelaña yimuna neyi yinayi muchana chachinekineki,Spiritu yaYehova niyena yayinookesheli.”+
Ichi dichiwalombweli antu jeyi,Nakudituñila eyi aweni ijina dawukeleñi.*+
15 Talaku mwishina kulonda wumoniWutalili mwiluña deyi dahewulu dajila nawa dalema.*
Indi iyena deyi niñovu jeyi,Jasañumunaña wushona weyi*+ niluwi lweyi jidi kudihi?+
Wunakummwekeshelaju wanyi.
16 Muloña yeyi Tata yetu;+Hela chakwila Abarahama hanateli kutwilukakuNawa Isarela hanateli kutwanukaku,Eyi Yehova, eyi yeyi Tata yetu.
Ijina deyi yeyi Nkuuli yetu wakufuma kushankulu.+
17 Eyi Yehova, muloñadi chiwatulekelaña* tusenukeña munjila jeyi?
Muloñadi chiwetejelaña* nyichima yetu kuchinchika, kulonda tubuleña kukutiya woma?+
Funtaku, muloña wawambuñeyi,Nyichidi yawuswana weyi.+
18 Antu jeyi ajila ashakaminimu kampinji kantesha.
Akankunyi netu anadatoli mwiluña deyi dajila.+
19 Hadi mpinji yayilehi tunekali neyi antu iwabulahu dehi kuyuula,Neyi antu abulawu dehi kutena nejina deyi.
Tumazu twaheshina
^ Hela hekwawu, “yawulombu wuchinana nankashi.”
^ Hela “chañimikila mushindu.”
^ Hela “akabula kutwamba.”
^ Hela “kañelu wakumesu indi.”
^ Hela “mumanyiñi.”
^ Hela “muchinkalampata.”
^ Hela “dadiwahi.”
^ Hela “dalubanji.”
^ MuchiHeberu, “Jahilishaña yiidi yeyi yamukachi.”
^ Hela “chiwatukojejelaña.”
^ MuchiHeberu, “chiwelishilaña.”
