Isaya 64:1-12
64 Neyi wadi kutabula mawulu nakwinza hamaseki,Kulonda mpidi jikanki muloña waneyi,
2 Neyi kesi chikakwatishaña nsonsu,Nawa neyi kesi chikabwakatishaña menji,Dichi ijina deyi adi kudiluka kudi akankunyi neyi,Nawa nyuza yadi kuzaala hamesu eyi!
3 Chiwakoñeli yuma yakutiyisha woma chikupu yitwabulilihu nikukuhwelela,+Wenjili hamaseki, nawa mpidi jakankili hamesu eyi.+
4 Kufuma kushankulu kwosi muntu wamutiyahu dehi hela wamuteñelekelahu dehi itu,Hela wamumonahu dehi Nzambiku, chiña eyi hohu,Wayizatilañaku antu amuchiñililaña.*+
5 Wunabulakani nawantu atiyaña kuwaha kwila yuma yaloña,+Antu akwanukaña nikulondela njila jeyi.
Tiyaña! Wahilili hampinji yitwatwalekelihu kuvulumuna,+Twelili mwenimu hadi mpinji yayilehi.
Komana ichi dinu akutwamwina tahindi?
6 Nawa wejima wetu tunekali neyi muntu wamajilu,Nawa nyidimu yetu yejima yakuloña yidi neyi kadihina kamumbanda wunayi kukakweji.+
Wejima wetu tunakulepa neyi ifu,Nawa yiluwa yetu yakatulelula neyi mpepela.
7 Kwosi muntu wunakutambika hejina deyiku,Kwosi hela wumu wafwilaña kukakela kudi eyiku,Muloña eyi wunatusweki chamesu,+Nawa wunatunyoñeshi* muloña* wayiluwa yetu.
8 Ilaña ichi, eyi Yehova, yeyi Tata yetu.+
Etu tudi ndambu, nawa yeyi Kañemi ketu;*+Wejima wetu tudi nyidimu yachikasa cheyi.
9 Eyi Yehova,+ bayi wusweja kuzuwaku,Nawa bayi wanuka yiluwa yetu haya nyaakaku.
Mwani tushinshiki, muloña wejima wetu tudi antu jeyi.
10 Nyisumba yeyi yajila yinabalumuki isaña.
Ziyona nabalumuki isaña,Yerusalema nabalumuki mahembi.+
11 Itala* detu dajila nawa dalema,*Mwakushimekeleleñawu ankakulula jetu,Anadochi nakesi,+Nawa yuma yejima yitwalemesheli yinakisiki.
12 Muloña wachumichi, komana wukutwalekahu kudiwunjika, eyi Yehova?
Wukutwalekahu kumwena nzo-o nakuleka atukabisheña nankashi?+
Tumazu twaheshina
^ Hela “amuhembelelaña nakudiwunjika.”
^ MuchiHeberu, “nachikasa.”
^ MuchiHeberu, “wunatusuñununi.”
^ Hela “Watuwumbili.”
^ Hela “Tembeli.”
^ Hela “lubanji.”
