Kamina kaSolomoni 1:1-17
-
Kamina kabadika tumina twejima kuwaha (1)
-
Chañadima (2-7)
-
Anyana kaYerusalema awambanda (8)
-
Mwanta (9-11)
-
“Tukukutuñila yuma yakudikudeka yawuru” (11)
-
-
Chañadima (12-14)
-
‘Wami wahamuchima wudi neyi ipakumuna damanji amora evumba dadiwahi’ (13)
-
-
Kabiña (15)
-
“Eyi nkeñi yami, wudi walubanji”
-
-
Chañadima (16, 17)
-
“Eyi nkeñi yami, wudi walubanji” (16)
-
1 Kamina kaSolomoni kabadika tumina twejima kuwaha:+
2 “Nfufwi, nfufwi nakanwa keyi,Muloña kukeña kuwamwekeshaña kwabadika vinyu kuwaha.+
3 Ivumba damanji eyi dadiwahi.+
Ijina deyi didi neyi ivumba damanji anahuñununiwu.+
Dimuloña waweni wakukeñelawu kudi ayañadima.
4 Nsendi;* twaya tutemuki.
Mwanta nanyiñiji mutupeka twindi twamukachi!
Twaya tuzañalali nikutiyila hamu kuwaha.
Twaya tuhameki* kukeña kuwamwekeshaña kubadika vinyu.
Mwamweni akukeña* nankashi.
5 Enu anyana kaYerusalema awambanda, nidi wiyila, ilaña nekala walubanji,Neyi itenti dakuKedari,+ neyi mahina akwitenti+ daSolomoni.
6 Bayi wuntala chatama muloña wakwila nidi wiyilaku,Muloña itena didinañochi.
Amanakwami, anyana kamama awamayala anhililili;Antondeli kwikala mukakuhemba matempa anyivinyu,Ilaña itempa dami danyivinyu hinadihembeliku.
7 Eyi nkeñi yami inakeña nankashi, nleji,Kuwadiishilaña nyikoku yeyi,+Kuwayitwalaña nakunookela neyi itena dinashiki dehi mwiwulu.
Muloñadi chinukumwekena neyi mumbanda anabutiwu kadihina* kumesuHakachi kanyikanka yanyikoku yawalunda neyi?”
8 “Eyi mumbanda walubanji kubadika ambanda ejima, neyi wuneluki wanyi,Yaña wulondeli munyikonu yamukanka wanyikokuNawa diishilaku anyana kampembi jeyi kukamwihi namatenti awatubiña.”
9 “Nkeñi yami, nakufwanishi nakawalu kamukaji kadi mumakalu aFwaru.+
10 Mabuta eyi anakumwekana chiwahi nayuma yiwunadikudeki,Nshiñu yeyi yakukudeka wusaña.
11 Tukukutuñila yuma yakudikudeka yawuruKwakusha siliva.”
12 “Neyi mwanta nashakami kumesa yindi yanjiñumuki,Manji* ami+ edishaña ivumba dadiwahi.
13 Wami wahamuchima, kudi ami wudi neyi ipakumuna damanji amora evumba dadiwahi+Dekalaña hakachi kamayeli ami wufuku wejima.
14 Wami wahamuchima, kudi ami wudi neyi chizokofu chankenu yahena+Chidi hakachi kamatempa avinyu yakuEngedi.”+
15 “Tiyaña! Eyi nkeñi yami, wudi walubanji.
Tiyaña! Wudi walubanji. Mesu eyi adi neyi atupompa.”*+
16 “Tiyaña! Eyi nkeñi yami, wudi walubanji nawa wamuwahi chikupu.+
Kadidi ketu kadi hamafu.
17 Nyalachi yetala* detu yanyisida,Masokelu etala detu anyitondu yanyinjunga.
Tumazu twaheshina
^ MuchiHeberu, “Nkokeli kuwudi.”
^ Hela “tuhituluki.”
^ Dikwila nawu, ayañadima.
^ Hela “kadihina kakudililamu.”
^ Hela “Naradi.”
^ Hela “atunkudimba.”
^ Hela “itala deneni.”
