Kamina kaSolomoni 2:1-17
2 “Ami nidi tuhu neyi safuroni* yekala kuchana chakumukulishu,Nkenu yamuchinekineki.”+
2 “Neyi nkenu hakachi kanyiña,Dichidiyi nkeñi yami hakachi kawanyana awambanda.”
3 “Neyi mutondu waapo wudi hakachi kanyitondu yamwivunda,Dichidiyi niwami wahamuchima hakachi kawanyana awamayala.
Nafwilaña chikupu kushakama muwulelu windi,Nawa mukaabu windi watowala hakuwida.
4 Wanleteli mwitala dachawija,*Nawa mpandela yindi yadiña hewulu dami hikukeña.
5 Nzañaleshi namankendi atowala anyikaabu yanyivinyu yooma;+Ñikutishi namaapo,Muloña nakati kukeña.
6 Chikasa chindi chachimunswa chidi heshina damutu wami,Nawa chikasa chindi chachidiilu chinankumbati.+
7 Enu anyana kaYerusalema awambanda, nayisanyikishi,Natupaala+ ninanyikaji yawambaala amumasaña nami:
Bayi muvundula hela kusañumuna kukeña mudi amiku, sampu ami aweni nakutiyi.+
8 Natiyi wami wahamuchima nakwinza!
Talaña! Iwu wukwinza,Nakukandama jimpidi, nakukiloka tupidi.
9 Wami wahamuchima wudi neyi kapaala, hela neyi mwana kankayi.+
Ona wunemani, kunyima yambañu yetu,Nakutalila hamawindu,*Nakutalila hatumapwata twahawindu.
10 Wami wahamuchima nakuhosha, nakuñila nindi:
‘Eyi nkeñi yami, imanaku,Eyi wami walubanji, twaya tuyi hamu nanami.
11 Talaña! Chilaaka chanvula chinahiti dehi.
Nvula yinaketuki dehi nawa yinayi.
12 Wuluya wunakenuki dehi mwituña,+Mpinji yakukunkula yinashiki,+Nawa kamina kakateela kanatiyakani mwituña detu.+
13 Mutondu wachikuyu nahishi dehi yikuyu yindi yatachi;+Nyivinyu yinakenuki dehi nawa yinakwepuka ivumba dayu.
Eyi nkeñi yami, nyamukaku, twaya.
Eyi wami walubanji, twaya tuyi hamu nanami.
14 Eyi kambolu kami, wudi munyaji yamwilola,+Wudi kunsa kwakweni kwanyuña,Inakukeña kukumona nikutiya izu deyi,+Muloña izu deyi dadiwahi nawa wamwekanaña chachiwahi.’”+
15 “Tukwatili nyumbu,Nyana kanyumbu yakisañanaña matempa etu anyivinyu,Muloña matempa etu anyivinyu anakenuki dehi.”
16 “Wami wahamuchima wami, nawa ninami nidi windi.+
Nakubiñila+ mukachi kankenu.+
17 Neyi kunawundi* dehi nawa nyevulu yinajimañani,Eyi wami wahamuchima, funtaku swayi.Neyi kapaala+ hela mwana kankayi+ wudi hampidi jinatwambuli.*
Tumazu twaheshina
^ Iwu himuchidi wankenu.
^ MuchiHeberu, “itala davinyu.”
^ Hela “njanina.”
^ MuchiHeberu, “ifuku dinooni.”
^ Hela “mpidi jaBeteri.”
