Kamina kaSolomoni 6:1-13
6 “Weyi wahamuchima nayi kudihi,Eyi mumbanda walubanji kubadika ambanda ejima?
Weyi wahamuchima wafuntila njila yidihi?
Tuyi hamu neyi nakumukeñakeña.”
2 “Wami wahamuchima nakunkumukili kwitempa dindi,Kunyihaña yanyitondu yayuma yevumba dadiwahi,Nayi nakubiñila mukachi kamatempaNikwanda nkenu.+
3 Ami nidi wambala wawami wahamuchima,Nawa wami wahamuchima wami.+
Nakubiñila mukachi kankenu.”+
4 “Eyi nkeñi yami,+ wudi walubanji neyi Tiriza,*+Wudi wamuwahi neyi Yerusalema,+Wakuhayamisha chikupu neyi amashidika ananyeñumuki mpandela jawu.+
5 Talishaku mesu eyi kwacheñi,+Muloña anakumbakwisha muchima.
Nsuki jeyi jidi neyi mukanka wampembiWunakukunkumuka nyikunkumuki yaGiliyadi.+
6 Mazewu eyi adi neyi mukanka wanyikokuYinafumi nakuweleshawu,Ejima wawu akweti ampamba,Nawa kwosi niwumu wunajimbeshi mwanindiku.
7 Neyi chekala kachibalu kapomegiranati*Dichekala nimabuta* eyi neyi wunadibuti kadihina kumesu.
8 Kunateli kwikala añodi jawanyanta 60Niantombu* 80Niayañadima akukañanya kuchinda.+
9 Ilaña wumu hohu diyi kambolu kami,+ wami wabula ihuji.
Owu akeñawu nankashi kudi mama yindi.
Amutiyaña kuwaha nankashi kudi wamuvweli.
Anyana awambanda amumonaña, nawa amutenaña nawu wukweti muzañalu;Añodi jawanyanta niantombu niwena amuhamekaña.
10 ‘Mumbandanyi mukwawu watoñekaña neyi chejeji chakumacha,Walubanji neyi kakweji kamukuma,Wutooka neyi chejeji chetena,Wakuhayamisha chikupu neyi amashidika ananyeñumuki mpandela jawu?’”+
11 “Nakunkumukilili kwitempa danyitondu yanyikaabu yakuteetula+Kulonda nimoni yuma yayiha yinameni muchinekineki,*Kulonda nimoni neyi muvinyu nasapuki,Neyi nyitondu yamapomegiranati yinakenuki.
12 Henohu kanda niiluki chumichi,Chuma chinafwilileña* chantentekeliKumakalu awantu jami alema.”*
13 “Funtaku, funtaku, eyi mwini Shulami!
Funtaku, funtaku,Kulonda tukubanjili!”
“Muloñadi chimukumubanjilila mwini Shulami?”+
“Wudi neyi mazanvu ayedi* anakuhañana!”
Tumazu twaheshina
^ Hela “Musumba Wawuwahi.”
^ Iwu himukaabu wawulombu wameruni nawa wamwekanaña neyi apo.
^ Hela “mbulukutu.”
^ Iwu himuntu wamumbanda ahanineñawu chawaana.
^ Hela “muhoñi.”
^ Hela “Wumi wami.”
^ Hela “adihana.”
^ Hela “kuhañana kwaMahanayimi.”
