Kamina kaSolomoni 7:1-13
7 “Nyendu yeyi ochiyasweja lubanji neyi yidi munkwabilu jeyi,Eyi mwana wamumbanda walema!
Lubanji lwamakata eyi ludi neyi lubanji lwayuma yakudikudeka,Yatuñawu namakasa amukawukalawenu welukisha chikupu.
2 Mukovu weyi hicheña chakunama chanjiñumuki.
Wikaleña navinyu yakubombashana mpinji yejima.
Ivumu deyi himulumba watidiku,Wunanyeñumukiwu kudi nkenu.
3 Mayeli eyi ayedi adi neyi anyana kakapaala ayedi,Ampamba akapaala.+
4 Nshiñu yeyi+ yidi neyi kaposhi kamazewu anzovu.+
Mesu eyi+ adi neyi majiya amuHeshiboni,+Ekala kuyiisu yaBatirabimi.
Muzulu weyi wudi neyi kaposhi kakuLebanoni,Katalisha kuDamakasa.
5 Mutu weyi walubanji neyi Mpidi yaKarimeli,+Nawa nsuki jeyi*+ jidi neyi wanda wawusombu.+
Wunamusendi* mwanta muchima muloña wansuki jeyi jalubanji jajilehi.
6 Ochiwasweja lubanji, nawa ochiwawaha,Eyi nkeñi yami, kubadika yuma yejima yasweja kuwaha!
7 Chiiminu cheyi chidi neyi mutondu wamukoma,Nawa mayeli eyi adi neyi yizokofu yanyikaabu yanyikoma.+
8 Nahoshi nami, ‘Nukukandama mutondu wamukomaKulonda nikwati kunyitayi yawu yikweti nyikaabu.’
Mayeli eyi ekali neyi yizokofu yanyivinyu,Muuya weyi neyi ivumba dadiwahi damaapo,
9 Nawa kanwa* keyi neyi vinyu yasweja kuwaha.”
“Yihiteña chiwahi hamudiwu wawami wahamuchima,Neyi chiyahitaña chiwahi hanyivumbu yawantu anakaami.
10 Ami nidi wambala wawami wahamuchima,+Nawa yena wantoñaña.
11 Eyi wami wahamuchima, inzaku,Twaya tuyi mwisaña;Tuyi nakushakama mukachi kanyitondu yahena.+
12 Tuhinduki nantetemena nankashi tuyi mumatempa anyivinyuNakumona neyi muvinyu wunasapuki,Neyi wuluya wunakenuki,+Neyi nyitondu yamapomegiranati yinakenuki.+
Kwenoku dikunukukumwekeshela kukeña.+
13 Mamandiraki+ anakwepuka ivumba dadiwahi;Kuyiisu yetu kudi nyichidi yejima yanyikaabu yayiwahi.+
Nyikaabu yayiha niyayikulu,Nakuhembeliyu, eyi wami wahamuchima.
