Kamina kaSolomoni 8:1-14
-
Chañadima (1-4)
-
“Neyi wadiña neyi manakwami weyala” (1)
-
-
Amana kwachañadima (5a)
-
‘Hinyi iwu wunakundameni windi wahamuchima?’
-
-
Chañadima (5b-7)
-
“Kukeña kudi nañovu neyi kufwa” (6)
-
-
Amana kwachañadima (8, 9)
-
“Neyi yena himpwembu, . . . ilaña neyi hichenzelu, . . .” (9)
-
-
Chañadima (10-12)
-
“Ami nidi mpwembu” (10)
-
-
Kabiña (13)
-
‘Nitiyilili kwizu deyi’
-
-
Chañadima (14)
-
“Temukaku neyi kapaala”
-
8 “Neyi wadiña neyi manakwami weyala,Wamwini kumayeli amama yami!
Neyi nakuwana hanji, nadi kukufufwa,+Nawa kwosi muntu hela wumu wadi kundiwulaku.
2 Nadi kukulombola;Nadi kukutwala mwitala damama yami,+Owu wandizishili.
Nadi kukwinka vinyu yevumba dadiwahi kulonda wunwi,Menji anakamuniwu kunyikaabu yamapomegiranati.
3 Chikasa chindi chachimunswa chadi kwikala heshina damutu wami,Nawa chikasa chindi chachidiilu chadi kunkumbata.+
4 Enu anyana kaYerusalema awambanda, nayisanyikishi:
Bayi muvundula hela kusañumuna kukeña mudi amiku, sampu ami aweni nakutiyi.”+
5 “Indi iwu mumbanda wunakufumina mwisaña hinyi,Wunakundameni windi wahamuchima?”
“Nakuhindwishili mwishina damutondu waapo.
Mwatiyilileñayi mama yeyi nyisoñu yakukuvwala.
Mwatiyilileñayi mama yeyi wakuvweli nyisoñu.
6 Nlamiki hamuchima weyi neyi chilamiku,Neyi chilamiku hachikasa cheyi,Muloña kukeña kudi nañovu neyi kufwa,+Nawa kudihana namuchima wejima kukweti ñovu neyi Ijamu.*
Nyizuzu yaku hikesi kanakubidima, himuzuzu waYa.*+
7 Menji ampupa hiyakutwesha kujima kukeñaku,+Hela tuloña hitukutwesha kukukumpulaku.+
Neyi muntu wukuhana maheta ejima amwitala dindi muloña wakukeña,Akuyidiwula* chikupu.”
8 “Tukweti muheletu wakansi+Nawa hakweti mayeliku.
Hanu dinu tukela ñahi namuheletuHefuku dakenza nakumwihulawu?”
9 “Neyi yena himpwembu,Tukutuñilahu mbañu yasiliva,Ilaña neyi hichenzelu,Tukumwenzela nepulanga damutondu wamusida.”
10 “Ami nidi mpwembu,Nawa mayeli ami adi neyi tuposhi.
Dichi, kumesu indi ami nekaliNeyi muntu wawanaña kuwunda.
11 Solomoni wadiña netempa danyivinyu+ muBayali Hamoni.
Wahanini itempa danyivinyu kudi akakuhemba.
Nhembi wejima wadiña nakuleta yikunku yasiliva 1,000 yafumineña munyikaabu yamwitempa.
12 Ami nikweti itempa dami danyivinyu.
Yikunku yasiliva 1,000 yeyi, Eyi Solomoni,Nawa 200 yanowu ahembaña nyikaabu yamwitempa.”
13 “Eyi wunakushakama mumatempa,+Amabwambu atiyilili kwizu deyi.
Ninami nitiyililiku.”+
14 “Nyakalaku, eyi wami wahamuchima,Nawa temukaku neyi kapaala+Hela neyi mwana kankayiHewulu dampidi janyitondu yamavumba amawahi.”
Tumazu twaheshina
^ “Ya” hiijina daYehova muwihi.
^ Hela “Shelu,” dikwila nawu, ijamu dawantu ejima. Talenu Kulumbulula.
^ Hela hekwawu, “iyala.”
