Kuhituluka 32:1-52
32 “Enu mawulu tiyililenu, nawa nukuhosha,Nawa maseki atiyi mazu amukanwa kami.
2 Nshimbi jami jakanokaña neyi nvula;Mazu ami akasotokaña neyi wuumi,Neyi chasansaña nvula hamatahuNawa neyi chanokelaña nvula yeneni nankashi hayuma yamenaña.
3 Muloña nakabidika ijina daYehova.+
Nakahosha hakutoha kwaNzambi yetu!+
4 Yena hiIlola, nyidimu yindi yalala,+Muloña njila jindi jejima joloka.+
HiNzambi washinshika+ wabulaña kukoña yuma yaheña;+Yena waloña nawa woloka.+
5 Wena diwu anakoñi mwaheña.+
Hiyanyanindiku, wufwayi wawu awenawu.+
Hiikiñu datama dabulaña kukoña yuma yaloña!+
6 Komana, ichi dichimwatela kumwila Yehova,+Enu antu asupa nawa abula maana?+
Komana hidiyi Tata yenu wayikojejeli enu mwikalikuku?+Nawa hidiyi wayileñeli enu nawa wayikolesheli chikupuku, tahindi?
7 Anukenu mafuku akushankulu;Toñojokenu hayaaka yamakiñu akunyima.
Ihulenu tata yenu nawa yena wukuyileja;+Akulumpi jenu nawa wena akayileja.
8 Hampinji Mukakubadika yenkeliyi nyuza wuswana wawu,+Yaambwiliyi anyana kaAdama,*+Waloñesheli ñinza jawantu+Kwesekeja nakuvula kwawanyana kaIsarela awamayala.+
9 Muloña antu jaYehova hiiseka dindi;+Yakoba hiwuswana windi.+
10 Wamuwanini mwisaña+Wamuwanini muchinkalampata mwakadi chuma, mwadilaña hohu anyama.+
Wamukiñili nakumunyeñumuka, nakumwakamena,+Nawa wamuhembeli neyi kantu kadisu dindi.+
11 Neyi chasandañayi mbuulu chisakala chindi,Chasañalañayi hadi anyanindi,Chatandumunañayi mpuula jindi nakuyisenda,Nakuyisendela hampuula jindi,+
12 Yehova nkawindi watwalekelihu kumulombola;*+Kwosi nzambi wakutwamba wadiña nayenaku.+
13 Wamwendesheli hayinañanaña yahamaseki,+Chakwila wadiili yakuda yamwiha.+
Wamudiishili wuchi wamwilolaNimanji amwilola dakola,
14 Manji achimba* awañombi nimayeli awanyikoku,Hamu namukoku wamuwahi chikupu,Ninyikoku yayizamba yakuBashani niampembi ayizamba,Hamu natidiku yayiwahi chikupu;+Nawa wanwini vinyu kufuma mumashi anyivinyu.
15 Yeshuruni* chatoheliyi watachikili kudikaña.
Wunatohi, wunashini, wunavuvumuki.+
Dichi wamuvulameneni Nzambi, wamutuñili,+Nawa wadiwili ilola dawamwinu windi.
16 Amuzuwishili nawanzambi akutwamba;+Amutiyishileña kutama nayuma yawuzondu.+
17 Alambwileña kudi andemoni, bayi kudi Nzambiku,+Kudi anzambi abulili kwilukawu,Amaha owu enjili katataka,Kudi anzambi abulili kwilukawu ankakulula jenu.
18 Mwavulameneni ilola+ dayivweli,Nawa himwanukili Nzambi wayivweliku.+
19 Yehova chamweniyi chumichi, wayikaanini+Muloña anyanindi awamayala niawambanda amutiyishili kutama.
20 Dichi wahosheli nindi, ‘nakasweka chamesu ami kudi wena;+Twakatala chakekalawu.
Muloña hiikiñu daluwalala,+Anyana awamayala abula kashinshi.+
21 Ananzuwishi* nachuma chabula kwikala nzambi;+Anantiyishi kutama nawankishi jawu amukunkulwayi.+
Dichi ami nakayitiyisha mukawu nayuma yabula kwikala antu;+Nakayitiyisha kutama namuza wasupa.+
22 Kuzuwa kwami kunabutuli kesi+Kakabutukaña nimukachi Kejamu,*+Nawa kakwocha iseki niyuma yaduNawa kakwocha yikuku yamapidi.
23 Nakavulisha yihuñu yawu;Nakazatisha nyivu yami yejima hadi wena.
24 Akafwa chinzeya+Nawa akajilumuka namashika asweja nikuyijilumuna chikupu.+
Nakayitemeshela mazewu awanyama+Niwulembi wawanyama asemaña mateta ahamaseki.
25 Hanji, mpoku yakabali yakayijaha+Mukachi, mudi mutentu+Kudi wejima wawu ayedi mukwenzi nimujiki,*Nikudi mukeki hamu nimukulumpi wukweti invu.+
26 Nadi kuhosha nami: “Nakayipalañesha;Nakayikojeja akayivulameni hakachi kawantu,”
27 Ilaña natiyili woma wayuma yadi kuhosha chilumbu chami,+Muloña akankunyi nami anateli kuchitwala mwacheñi.+
Anateli kuhosha nawu: “Ñovu yetu yinemiki mushindu;+Yehova hidiyi wakoñeli chumichiku.”
28 Muloña himuza wabula maana,*Hiyakweti kashinshi hakachi kawuku.+
29 Neyi chakwila adiña namaana!+ Mutenowu adi kutoñojokahu chikupu hachumichi.+
Adi kutoñojoka hachuma chakayimwekena.+
30 Muntu wumu nateli kukumpisha ñahi antu 1,000,Nawa ayedi akutwesha kutemuna ñahi antu 10,000?+
Chiña hohu neyi Ilola dawu diyilandisha+Nawa Yehova nayihani.
31 Muloña ilola dawu hididi neyi Ilola detuku,+Niayilumbu jetu eluka chumichi.+
32 Muloña mutondu wawu wamuvinyu wafuma kumuvinyu wakuSodomaNawa wafuma mumaha akuGomora.+
Nyivinyu yayu hinyivinyu yawulembi,Yizokofu yawu yalula.+
33 Vinyu yawu hiwulembi watupela,Hiwulembi wawatupela afwana.*
34 Komana hiyami nasweka yumiyi,Nakuyijikila munkalaña yamiku, tahindi?+
35 Yami mukakutenda, nimukakubabesha,+Hampinji yakutoñola hakaselumuka mwendu wawu,+Muloña ifuku dawu dakumona kukala didi kwakwihi,Nichuma chakayimwekena chakenza mukunyakashana.’
36 Muloña Yehova wakasompesha antu jindi,+Nawa wakayitiyila luwi ambuñindi+Chakamonayi nindi ñovu jawu jinakehi,Nawa nindi hanashali hohu antu abula wakuyikwasha niazeya.
37 Kuhiñahu wakahosha nindi, ‘Anzambi jawu adi kudihi,+Ilola mwaswaminiwu,
38 Adiileña manji anyilambu yawu,*Nikunwa vinyu yanyilambu yawu yakuhuñununa adi kudihi?+
Emani kulonda ayikwashi enu.
Ekali iluña denu dakuswamamu.
39 Ichi dinu ilukenu nenu, yami Nzambi,+Nawa kwosi anzambi acheñi kubadika amiku.+
Najahaña nawa nahandishaña.+
Nakatishaña+ nawa nookaña,+Nawa kwosi niwumu wunateli kutemuka muchikasa chamiku.+
40 Muloña nanyamuni chikasa chami mwiwulu,Nawa nasanyiki nami: “Kwesekeja nachinahanda haya nyaaka,”+
41 Neyi niwambwisha mpoku yami yakabali yakejimaNawa niloñesha chikasa chami kulonda nisompeshi+Nakatenda akankunyi nami+Nawa nakakabisha antu anhela.
42 Nakelisha nyivu yami kusheta namashiNawa mpoku yami yakabali yakada mbiji,Namashi awantu akatapawu niawankoli,Nanyitu yawanlomboli jachilumbu.
43 Enu nyuza, zañalalenu hamu nawantu jindi,+Muloña wakatendela mashi awambuñindi,+Nawa wakatenda akankunyi nindi+Nawa wakabuta hanshidi* jetuña dawantu jindi.
44 Dichi, Mosi wenjili nakuhituluka cheñi mumazu anaka kamina iku antu anakutiyaku,+ yena niHosheya*+ mwana kaNuni weyala.
45 Mosi chamanishiliyi kuhosha awa mazu ejima kudi aIsarela ejima,
46 wayilejeli nindi: “Hembenu awa mazu ejima innakuyisoñamisha nachu dalelu,+ kulonda mwakaleji anyanenu kusha maana kumazu ejima aniji Nshimbi.+
47 Muloña awa bayi neyi himazu amukunkulwayiku, ilaña hiwumi wenu,+ nawa awa mazu akayiletesha enu mwakahandi yaaka yayivulu mwituña dimunakuzambukila Yodani kulonda mudiheti.”
48 Yehova wahosheli naMosi hadodenidi ifuku nindi:
49 “Kandamaku kuniyi mpidi yaAbirami,+ Mpidi yaNebo+ yidi mwituña daMowabi datalisha kukabadi kaYeriku kulonda wutali ituña daKenani dinnakwinka aIsarela kwikala iheta dawu.+
50 Kuhiñahu, eyi wukufwila hampidi hiwunakukeña kukandama nawa akukujiika neyi chajiikiliwu ankakulula jeyi,* neyi chafwiliyi manakweyi Aroni haMpidi yaHori+ nawa amujiikili neyi chajiikiliwu ankakulula jindi,
51 muloña wejima wenu ayedi mwadiña ashinshika wanyi kudi ami mukachi kawaIsarela kumenji akuMeriba+ kuKadeshi mwisaña daZini, muloña himwanjilikili hamesu awantu jaIsarelaku.+
52 Ituña wukudimwena hahalehi, ilaña eyi wukwiñila wanyi mwituña dinnakwinka antu jaIsarela.”+
Tumazu twaheshina
^ Hela hekwawu, “muchidi wawantu.”
^ Dikwila nawu, Yakoba.
^ Hela “amanteka.”
^ Daya mukwila nawu, “Woloka,” nkumbu yakalemesha yaIsarela.
^ Hela “Anantiyishi mukawu.”
^ Hela “Shelu,” dikwila nawu, ijamu dawantu ejima. Talenu Kulumbulula.
^ Iwu himumbanda wabula kukaamahu dehi neyala.
^ Hela hekwawu, “wabulaña kutiya munawufumbiwu.”
^ Tupela twadifwana nanfwiji.
^ Hela “adiileña nyilambu yawu yayiwahi chikupu.”
^ Hela “wakatookesha nshidi.”
^ Ijina dadeni daYoshuwa. Hosheya hikusoneka ijina daHoshayiya muwihi, daya mukwila nawu, “Kwamwinewa naYa; Ya Naamwini.”
^ MuchiHeberu, “akukupompesha neyi chapompesheliwu ankakulula jeyi.”
