Yashimwiniyi Maku 16:1-8
-
Yesu anamusañuli (1-8)
16 Dichi chelili Sabata+ yinahiti dehi, Mariya Mandaleni, niMariya+ mama yaYakoba niSalomi alandili yuma yevumba dadiwahi kulonda amuwayishi Yesu hamujimba.+
2 Hefuku datachi* mumulungu nantetemena yayeni, ayili kwijamu*+ henohu itena dinaseli dehi.
3 Adilejeleña mulwawu nawu: “Hinyi wukutulañumwinaku ilola nakudifumisha kuchiisu chejamu?”
4 Ilaña chelili nawu atali kuchiisu chejamu, amweni ilola anadilañumuniku hela chakwila dadiña deneni nankashi.+
5 Cheñililiwu mwijamu, amweni mukwenzi nashakami kukabadi kakuchidiilu iku navwali munkukumba wutooka, nawa ahayamini.
6 Wayilejeli nindi: “Bayi muhayamaku.+ Munakukeña Yesu wakuNazareta ajahilawu hamutondu. Anamusañuli dehi.+ Munu mwosiyi. Talenu heluña hamukaamikawu.+
7 Dichi, yenu mwakaleji atumbanji twindi niPetulu nenu, ‘Wukuyañahu dehi kuÑaliliya.+ Kwenoku dikumukumumwena neyi chayilejeliyi.’”+
8 Chedikiliwu hanji, atemukili lufuchi nakufuma kwijamu iku anakuzaala nawa anahayami nankashi. Nawa hiyalejeliku muntu hela wumuku, muloña atiyili woma.*+
Tumazu twaheshina
^ Idi didu ifuku ditwatenaña netu haMulungu. Kudi aYudeya, dadiña ifuku dakutachikilahu mumulungu.
^ Hela “kwijamu dachanukishu.”
^ Kwesekeja nachahosha mamanyusikiliputi aweni alala, Nsañu Yayiwahi yaMaku, yakumishaku namazu adi muvasi 8. Talenu Nsañu Jikwawu A3.
