Masamu 103:1-22
DaDavidi.
103 Tali nimushimeki* Yehova;Yejima yidi mudi ami yishimeki ijina dindi dajila.
2 Tali nimushimeki Yehova;Bayi nivulameni yuma yejima yineliyiku.+
3 Wanakenaña yiluwa yenu yejima+Nawa wokaña yikatu yenu yejima;+
4 Wafumishaña wumi weyi mwibuku*+Wakuvwikaña kukeña kwindi kwakashinshi niluwi neyi chibañula.+
5 Wakwinkaña yuma yayiwahi+ mukuhanda kweyi kwejima,Kulonda wukwenzi weyi wufunti cheñi neyi wambuulu.+
6 Yehova wamwekeshaña kuloña+ niwuñanjiKudi ejima anakukabishawu.+
7 Welishili njila jindi ajiluki kudi Mosi,+Ninyidimu yindi kudi anyana kaIsarela.+
8 Yehova wukweti luwi niwushona,*+Hazuwaña swayiku nawa wavulisha kukeña kwakashinshi.+
9 Hakakeñakeñaña yiluwa mpinji yejima,+Hela kuhemba nkunyi haya nyaakaku.+
10 Hanatwili kwesekeja nanshidi jetu,+Hela kutubabesha kwesekeja nayiluwa yetuku.+
11 Neyi chaleha mawulu kubadika iseki,Dichasweja nikukeña kwindi kwakashinshi kudi antu amutiyaña woma.+
12 Neyi chikwaleha kwaselelaña itena nakwahuminaña itena,Dichinatwaliyi nshidi jetu kwakulehi nanetu.+
13 Neyi tata yawantu chamwekeshañayi luwi kudi anyanindi,Yehova namwekeshi luwi kudi antu amutiyaña woma.+
14 Muloña weluka chikupu chitwatuñewa,+Nawa wanukaña nindi tudi lunkuñu.+
15 Hakwila muntu wafwaña, mafuku indi adi neyi amatahu;+Wemaña neyi wuluya wamwisaña.+
16 Ilaña neyi mpepela yikunka, wekalañaku wanyi,Neyi kwiji wadiñaku wanyi.*
17 Ilaña kukeña kwaYehova kwakashinshi kwahaya nyaaka nanyaaka*Kudi ana amutiyaña woma,+Nikuloña kwindi kudi anyana kawanyanawu,+
18 Kudi ana ahembaña chitiyañenu chindi+Nikudi ana alondelaña nshimbi jindi chikupu.
19 Yehova nashimatishi chikupu itanda dindi mumawulu;+Nawa wanta windi wayuulaña yuma yejima.+
20 Mushimekenu Yehova, enu añelu jindi ejima,+ enu mukweti ñovu chikupu,Mwelaña mwahoshañayi, nakwovwahila izu dindi.*+
21 Mushimekenu Yehova, enu mazaza indi ejima,+Enu akakumukalakela indi elaña nkeñelu yindi.+
22 Mushimekenu Yehova, enu nyidimu yindi yejima,Mumaluña ejima mwayuulañayi.*
Wumi wami wejima wumushimeki Yehova.
Tumazu twaheshina
^ Hela “Wumi wami wumushimeki.”
^ Hela “mwijamu.”
^ Hela “kuwaha.”
^ MuchiHeberu, “Nawa iluña dawu hidawilukaña cheñiku.”
^ Hela “kufuma kunyaaka nakuya kunyaaka.”
^ MuchiHeberu, “Nakutiyilila chivumina chezu dindi.”
^ Hela “mumaluña achiyuulu chindi.”
