Masamu 106:1-48
106 Mushimekenu Ya!*
Musakililenu Yehova, muloña himuwahi;+Kukeña kwindi kwakashinshi kwahaya nyaaka.+
2 Hinyi wunateli kushimuna chikupu nyidimu yaYehova yañovu?Hela kushimuna nyidimu yindi yejima yatelela kushimekewa?+
3 Adi namuzañalu wowu elaña mwawuñanji,Owu elaña mwaloña mpinji yejima.+
4 Wakañanuki, eyi Yehova, mpinji yiwakamwekeshela antu jeyi luwi.*+
Nhembi ami nanyidimu yeyi yawamwinu,
5 Kulonda nitweshi kudiluñisha kuwaha kuwamwekeshelaña eyi atondewa,+Nizañaleli hamu namuza weyi,Nikukushimeka nakudisambila hamu nawuswana weyi.
6 Tunakoñi nshidi neyi cheliliwu ankakulula jetu;+Tunaluwañeshi; tuneli chatama.+
7 Ankakulula jetu muEjipitu hiyelukili* nyidimu yeyi yakuhayamishaku.
Hiyanukili kukeña kweyi kwakashinshi kwaswejaku,Ilaña adikañili hakaluñalwiji, kuKaluñalwiji Kachinana.+
8 Ilaña wayamwinini muloña wejina dindi,+Kulonda ñovu jindi ajiluki.+
9 Wazuwilili Kaluñalwiji Kachinana, nawa komini;Wayilombweli mumanyiñi aku neyi kwiji anakuhita muchinkalampata;*+
10 Wayamwinini kuchikasa chachilumbu chawu+Nawa wayikuulili kuchikasa chachilumbu chawu.+
11 Menji abutili akankunyi nawu;Kwosi wapulukili* hakachi kawuku.+
12 Kuhiñahu akuhweleleli muchikaninu chindi;+Atachikili kwimba tumina twakumushimeka.+
13 Avulameneni swayi yuma yeliliyi;+Hiyahembeleleli kufumba kwindiku?
14 Ekalili nayilwilu yalwisu mwisaña;+Amwesekeli Nzambi muchinkalampata.+
15 Wayinkeli yuma yalombeliwu,Ilaña wayeteli nachikatu chayiletesheli akosi nikufwa.+
16 Atachikili kumutiyila Mosi ichima muchilombuNiAroni,+ wajila waYehova.+
17 Kuhiñahu iseki daasamini nakumuminya DataniNawa dabutili antu apompeli hamu naAbirami.+
18 Kesi kabutukili hakachi kezanvu dawuMuzuzu wanoñesheli antu atama.+
19 Atuñili mwana kañombi muHorebiNawa afukamini kuchifwikija chachikuñu;*+
20 Atachikili kudifukula kuchifwikija chachizamba chañombi wadaña matahuChatela anyinki kulema kwantelela.+
21 Amuvulameneni Nzambi,+ Chamwinu chawu,Wakoñeli yuma yamaneni muEjipitu,+
22 Yuma yakuhayamisha mwituña daHami,+Yuma yakutiyisha woma haKaluñalwiji Kachinana.+
23 Wadiña kwakwihi nakuhana lushimbi lwakuyijilumuna,Ilaña Mosi windi watondewa wamulembeleli yena*Kulonda afwomoni kuzuwa kwindi kwakukeña kuyijilumuna.+
24 Kufumahu aheleli ituña dalubanji;+Hiyakuhweleleli muchikaninu chindiku.+
25 Atwalekelihu kutooba mumatenti awu;+Hiyatiyilili kwizu daYehovaku.+
26 Dichi wanyamwini chikasa chindi nakusanyika hadi wenaNindi wakayidimbwishila mwisaña;+
27 Akuchisaka chawu wakayidimbwishila hakachi kanyuza,Nawa wakayipalañeshela mumatuña.+
28 Kuhiñahu adibombeli nakudifukula* kudi Bayali wakuPeyori,+Nawa adiileña nyilambu yalambwileñawu kudi afu.*
29 Amuvulokeli Yena nayilwilu yawu,+Nawa chipupu chenjili hakachi kawu.+
30 Chelili Finihasi emani nakwilahu chuma chimu,Chipupu chamanini.+
31 Nawa amuteneni nawu waloñaMwahita makiñu ejima haya nyaaka.+
32 Amuvulokeli Yena kumenji akuMeriba,*Nawa yuma yamutaminini Mosi muloña wawena.+
33 Azuwishili spiritu yindi,Nawa wanyakeli kuhosha nanyivumbu yindi.+
34 Hiyajilumwini antu,+Neyi chayilejeliyi Yehovaku.+
35 Ilaña adibombeli nanyuza+Nawa atachikili* kwila yuma yelileñawu.+
36 Atwalekelihu kukalakela ankishi jawu,+Nawa yumiyi yekalili muhetu kudi wena.+
37 Alambwileña anyanawu awamayalaNiawambanda kudi andemoni.+
38 Atwalekelihu kupwekesha mashi akadi muloña,+Mashi awanyanawu awamayala niawambandaOwu alambwileñawu kudi ankishi akuKenani;+Nawa ituña datamini namashi apwekesheleñawu.
39 Ekalili amajilu nanyidimu yawu;Elili wuvumbi wakuspiritu nanyidimu yawu.+
40 Dichi kuzuwa kwaYehova kwayibutukilili antu jindi,Nawa waheleli wuswana windi.
41 Watwalekelihu kuyihana kudi akanyuza,+Kulonda owu ayiheleli atweshi kuyiyuula.+
42 Ayikabishili kudi ayilumbu jawu,Nawa ovwahilileña kuñovu jawu.*
43 Wayipulwishili mapampa amavulu,+Ilaña adiña nakudikaña nikubula kwovwahila,+Nawa adiña nakuyizeyesha muloña wayiluwa yawu.+
44 Ilaña wamweneña yihuñu yawu+Nawa watiyileña kudila kwawu kwakulomba wukwashu.+
45 Muloña wawena, wadiña nakwanuka chitiyañenu chindi,Nawa wadiña nakuyitiyila wushona,* muloña wakukeña kwindi kwakashinshi kwasweja.*+
46 Welishileña ayitiyili wushonaKudi ejima ayikwatileña muwunkoli.+
47 Twamwini, eyi Yehova Nzambi yetu,+Nawa tupompeshi hamu kufuma munyuza+Kulonda tusakilileña ijina deyi dajilaNikuzañalala nakukushimeka.+
48 Yehova, Nzambi yaIsarela, ashimekewiHaya nyaaka nanyaaka.*+
Nawa antu ejima ahoshi nawu, “Ameni”*
Mushimekenu Ya!*
Tumazu twaheshina
^ Hela “Haleluya!” “Ya” hiijina daYehova muwihi.
^ Hela “kuwaha.”
^ Hela “hiyelukili mwatalishili.”
^ Hela “mwisaña.”
^ Hela “washalilihu.”
^ Hela “chifwikija chakweñununa.”
^ MuchiHeberu, “wemeni mwipwata kumesu indi.”
^ Hela “nakudilamika aweni.”
^ Dikwila nawu, nyilambu yalambwileñawu kudi afu hela anzambi abula wumi.
^ Daya mukwila nawu, “Kubobola.”
^ Hela “Adizili.”
^ MuchiHeberu, “kuchikasa chawu.”
^ Hela “kwakuvulu.”
^ Hela “wadiña nakuditoñesha.”
^ Hela “kufuma kunyaaka nakuya kunyaaka.”
^ Hela “Chiikali mwomwenomu!”
^ Hela “Haleluya!” “Ya” hiijina daYehova muwihi.
