Masamu 113:1-9
113 Mushimekenu Ya!*
Shimekenu, enu ambuña aYehova,Shimekenu ijina daYehova.
2 Ijina daYehova adishimekiKufuma yinu mpinji nihaya nyaaka.+
3 Kufuma kwaselelaña itena nakushika kudahuminaña,Ijina daYehova adishimeki.+
4 Yehova wudi hewulu kubadika nyuza yejima;+Kulema kwindi kudi hewulu kubadika mawulu.+
5 Hinyi wudi neyi Yehova Nzambi yetu,+Owu washakamaña* hewulu?
6 Wanoñamaña kulonda atali iwulu niiseki,+
7 Nakunyamuna wakehelamu kufuma mulunkuñu.
Wanyamunaña kazweñi nakumufumisha hamulumba wamawuti*+
8 Kulonda amushakamishi hamu nawantu alema,Hamu nawantu alema hakachi kawantu jindi.
9 Wamwinkaña mumbanda nshinta italaNakwikala mama yawantu wunazañalali muloña wawanyana.*+
Mushimekenu Ya!*
Tumazu twaheshina
^ Hela “Haleluya!” “Ya” hiijina daYehova muwihi.
^ Hela “washakamaña hetanda.”
^ Hela hekwawu, “hezalelu.”
^ MuchiHeberu, “anyana.”
^ Hela “Haleluya!” “Ya” hiijina daYehova muwihi.