Masamu 115:1-18
115 Bayi kudi etuku, eyi Yehova, bayi kudi etuku,*Ilaña kulema kuyeña kwijina deyi+Muloña wakukeña kweyi kwakashinshi nikushinshika kweyi.+
2 Muloñadi nyuza chiyikuhoshela nawu:
“Nzambi yawu wudi kudihi?”+
3 Nzambi yetu wudi mumawulu;Welaña chuma chejima chinakeñiyi.
4 Ankishi awu akutuña nasiliva niwuru,Nyidimu yakumakasa awantu.+
5 Kanwa akweti, ilaña hiyakutwesha kuhoshaku;+Mesu akweti, ilaña hiyakutwesha kumonaku;
6 Matu akweti, ilaña hiyakutwesha kutiyaku;Muzulu akweti, ilaña hiyakutwesha kwipula ivumbaku;
7 Makasa akweti, ilaña hiyakutwesha kukwataku;Nyendu akweti, ilaña hiyakutwesha kwendaku;+Nyidiwu yawu hiyedishaña chivuminaku.+
8 Antu ayituñaña akekala neyi wowena,+Neyi chakekalawu ejima ayikuhwelelaña.+
9 Eyi Isarela, mukuhweleli Yehova+—Yena diyi nkwashi yawu nawa nkebu yawu.+
10 Eyi itala daAroni,+ mukuhweleli Yehova—Yena diyi nkwashi yawu nawa nkebu yawu.
11 Enu mwamutiyaña Yehova woma, mukuhwelelenu Yehova+—Yena diyi nkwashi yawu nawa nkebu yawu.+
12 Yehova watwanukaña nawa wakatukiswila;Wakakiswila itala daIsarela;+Wakakiswila itala daAroni.
13 Wakakiswila ana amutiyaña Yehova woma,Anyanya niamaneni.
14 Yehova wakayivulisha,Enu nianyanenu.*+
15 Yehova ayikiswili,+Ntuñi yewulu niiseki.+
16 Hakwila mawulu, ambala aYehova,+Ilaña iseki nayinkidu anyana kawantu.+
17 Afu amushimekaña Ya wanyi;+Niejima akunkumukilaña mukumwena kwakufwa.*+
18 Ilaña etu tukumushimekaña YaKufuma yinu mpinji nihaya nyaaka.
Mushimekenu Ya!*
Tumazu twaheshina
^ Hela “Kudi etu kwosi chuma, eyi Yehova, kudi etu kwosi chuma.”
^ MuchiHeberu, “anyana.”
^ MuchiHeberu, “mukumwena.”
^ Hela “Haleluya!” “Ya” hiijina daYehova muwihi.
