Masamu 144:1-15
DaDavidi.
144 Yehova, Ilola+ dami, ashimekewi,Wadizishaña makasa ami chakuzuña njita,Nyinu yami chakwasa njita.+
2 Diyi kukeña kwami kwakashinshi nawa iluña dami dakiñewa,Chiswamu chami chakiñewa* nawa mpulwishi yami,Nkebu yami nawa mudi Yena dimu mwinnabatami,+Owu wañovwahishilaña antu mwishina dami.+
3 Eyi Yehova, indi muntu diyinyi mwaka wumwakameni,Mwana kamuntu wafwaña mwaka wumushi maana?+
4 Muntu wudi neyi muuya;+Mafuku indi ekala neyi mwevulu wunakuhita.+
5 Eyi Yehova, kululaku* mawulu eyi kulonda wukunkumuki;+Kwataku mapidi kulonda wuyifwindishi wishi.+
6 Keneshaku nzaji nakupalañesha ayilumbu;+Sowaku nyivu yeyi nakuyiluwañesha.+
7 Ololaku makasa eyi kufuma mwiwulu;Mpulwishi nawa ñamwini kumenji amavulu,Kuchikasa* chawañiinza,+
8 Owu akweti tunwa twahoshaña makudiNawa anyamunaña chikasa chawu chachidiilu nakusanyika mwakutwamba.*
9 Eyi Nzambi, nukukwimbila kamina kakaha.+
Nukukwimbila tumina twakukushimeka,* kuzatisha chisanji chanyonji 10,
10 Kudi Owu wakwashaña anyanta kushinda,*+Owu wunakumupulwisha kambuñindi Davidi kumpoku yakabali yafwana.+
11 Mpulwishi nawa ñamwini kuchikasa chawañiinza,Owu akweti tunwa twahoshaña makudiNawa anyamunaña chikasa chawu chachidiilu nakusanyika mwakutwamba.
12 Kuhiñahu anyanetu awamayala akekala neyi nyitondu yanyanya yakulaña swayi,Nawa anyanetu awambanda neyi yishimi yamwiwombu yabazawu yamuchipañu.
13 Nkalaña jetu jakenzala nanyichidi yejima yayakuda;Yimuna yetu mumpata yetu yakekala makombakaji amavulu.
14 Ñombi jetu jinemiti, hijakakañanya kusema* nawa hijakasulumunaku;Hikwakekala kudila kwayihuñu mumalubanzaku.
15 Adi namuzañalu wowu antu akamona yumiyi!
Adi namuzañalu wowu antu akweti Nzambi yawu Yehova!+
Tumazu twaheshina
^ Hela “kaposhi kakiñewa.”
^ Hela “fumbaku.”
^ Hela “kukwata.”
^ MuchiHeberu, “Nawa chikasa chawu chachidiilu hichikasa chachidiilu chatwambaña.”
^ Hela “kuvumisha yingongu.”
^ Hela “wamwinu.”
^ Hela “hijakabalukaku.”
