Masamu 145:1-21
Kushimeka kwaDavidi.
א [Alefu]
145 Nukukutuumbakesha, eyi Nzambi yami Mwanta,+Nukushimekaña ijina deyi haya nyaaka nanyaaka.+
ב [Beti]
2 Nukukushimekaña mpinji yejima;+Nukushimekaña ijina deyi haya nyaaka nanyaaka.+
ג [Gimeli]
3 Yehova himuneni nawa watela kushimekewa chikupu;+Hitunateli kwiluka kutoha kwindi kwabadikaku.+
ד [Daleti]
4 Makiñu ejima akashimeka nyidimu yeyi;Akahosha hanyidimu yeyi yañovu.+
ה [Hi]
5 Akahosha hañovu jeyi chijekala jakuhayamisha+Nawa nukutoñojokaña chikupu hanyidimu yeyi yakuhayamisha.
ו [Wawu]
6 Akahosha hanyidimu yeyi yakutiyisha woma,*Nawa nakashimuna kutoha kweyi.
ז [Zayini]
7 Mazu awu akushimeka akasefuka neyi kaseloki hakanukañawu kuwaha kweyi kwasweja,+Nawa akadikuwa namuzañalu muloña wakuloña kweyi.+
ח [Heti]
8 Yehova wukweti wushona* niluwi,+Hazuwaña swayiku nawa wukweti kukeña kwakashinshi kwabadika.+
ט [Teti]
9 Yehova himuwahi kudi ejima,+Nawa luwi lwindi lwamwekenaña munyidimu yindi yejima.
י [Yodi]
10 Nyidimu yeyi yejima yikakulemesha, eyi Yehova,+Nawa antu jeyi ashinshika akakushimeka.+
כ [Kafu]
11 Akashimuna hakulema kwawanta weyi+Nawa akahosha hañovu jeyi,+
ל [Lamedi]
12 Kulonda nyidimu yeyi yañovu ayiluki kudi antu+Nilubanji lwasweja lwawanta weyi.+
מ [Memu]
13 Wanta weyi hiwanta wahaya nyaaka nanyaaka,Nawa chiyuulu cheyi chikatwalekahu mwakahita makiñu ejima.+
ס [Sameki]
14 Yehova wakwashaña ejima anakudimbuka+Nawa wanyamunaña ejima anafukami.+
ע [Ayini]
15 Mesu ejima atalaña kudi eyi nakuchiñeja;Wayinkaña yakuda muchilaaka chayu.+
פ [Pi]
16 Wakamununaña muchikasa cheyiKulonda wikutishi yuma yejima yayumi nayuma yakeñañawu.+
צ [Tisadi]
17 Yehova waloña munjila jindi jejima+Nawa washinshika muyuma yejima yelañayi.+
ק [Kofu]
18 Yehova wudi kwakwihi nanowu ejima anakumutambika,+Nanowu ejima anakumutambika muchalala.+
ר [Reshi]
19 Wekutishaña ejima amutiyaña woma nayuma yakeñañawu;+Watiyaña kudila kwawu kwakulomba wukwashu, nawa wayipulwishaña.+
ש [Shini]
20 Yehova wahembaña ejima amukeña,+Ilaña antu atama ejima wakayijilumuna.+
ת [Tawu]
21 Kanwa kami kakahosha kushimekewa kwaYehova;+Yuma yejima yayumi* yishimekeña ijina dindi dajila haya nyaaka nanyaaka.+
