Masamu 147:1-20
147 Mushimekenu Ya!*
Chachiwahi kumwimbila Nzambi yetu tumina twakumushimeka;*Ochichawaha nawa chichatelela kumushimeka!+
2 Yehova nakutuña Yerusalema;+Antu amuIsarela apalañenamu wayipompeshaña hamu.+
3 Wokaña abaluka nyichima;Wakasaña hayilonda yawu.
4 Wachindaña kuvula kwatutumbwa;Watutambikaña twejima hejina-hejina.+
5 Mwanta wetu himuneni nawa wukweti ñovu chikupu;+Maana indi asweja chikupu.+
6 Yehova wanyamunaña amwovu,+Ilaña atama wayinatilaña hamaseki.
7 Mwimbilenu Yehova nakusakilila;Mwimbilenu Nzambi yetu tumina twakushimeka nakadada,
8 Owu wajikaña mawulu namavu,Owu wenkaña iseki nvula,+Owu wameneshaña+ matahu hamapidi.
9 Wenkaña anyama yakuda,+Anyana kamakololu alombaña yakuda.+
10 Hazañalelaña muñovu jakawalu;+Hela kuhayama chakola nyendu yamuntuku.+
11 Yehova watiyaña kuwaha antu amutiyaña woma,+Ana ahembelelaña kukeña kwindi kwakashinshi.+
12 Mulemeshi Yehova, eyi Yerusalema.
Mushimeki Nzambi yeyi, eyi Ziyona.
13 Wakoleshaña yikuñu yakuyiisu yamusumba weyi;Wakiswilaña anyaneyi mukachi keyi.
14 Waletaña kuwunda mwiluña deyi;+Wakwikutishaña natidiku yayiwahi chikupu.*+
15 Watemeshaña nshimbi yindi hamaseki;Izu dindi datemukaña chikupu.
16 Watemeshaña sino* neyi wanda;+Walukumunaña wuumi wachishika neyi mawuti.+
17 Wanokeshaña nvula yamalola* neyi yibalu yadinkendi.+
Hinyi wukuumika kutuuta kwindi?+
18 Watemeshaña izu dindi nawa yasuñunukaña.
Wakunkishaña mpepela yindi+ nawa menji ahitaña.
19 Wamulejaña Yakoba izu dindi,Wamulejaña Isarela nshimbi jindi niwunsompeshi.+
20 Kanda yeleñahu dehi chumichi kudi muza wudi wejimaku;+Kwosi chuma chelukawu hawunsompeshi windiku.
Mushimekenu Ya!*+
Tumazu twaheshina
^ Hela “kuvumisha yingongu.”
^ Hela “Haleluya!” “Ya” hiijina daYehova muwihi.
^ MuchiHeberu, “manji.”
^ Hela “nvula yachishika yitooka.”
^ Hela “ayisi.”
^ Hela “Haleluya!” “Ya” hiijina daYehova muwihi.
