Masamu 149:1-9
149 Mushimekenu Ya!*
Mwimbilenu Yehova kamina kakaha;+Mushimekenu muchipompelu chawantu ashinshika.+
2 Isarela azañaleli mudi Mukakubadika Wamutuñili;+Anyana kaZiyona azañaleli mudi Mwanta wawu.
3 Ashimeki ijina dindi nakuhañana+Nikumwimbila tumina twakumushimeka,* nañoma yanyanya* nikadada.+
4 Muloña Yehova wayitiyaña kuwaha antu jindi.+
Amwovu wayivwikaña wamwinu.+
5 Antu ashinshika azañaleli chikupu mukulema;Adikuwi namuzañalu hatudidi twawu.+
6 Tumina twakumushimeka Nzambi twiikali hamudiwu wawu,Nawa mpoku yakabali yawumwemu kuyedi yiikali muchikasa chawu,
7 Kulonda kuditenda hadi nyuzaNikubabesha antu,
8 Kulonda kukasa anyanta jawu namaleñiNiantu jawu alema nampompa jayikuñu,
9 Kulonda kuyisompesha hanyiloña yayisonekeleliwu.+
Iku kulema kwambala kwawantu jindi ashinshika ejima.
Mushimekenu Ya!*
Tumazu twaheshina
^ Hela “Haleluya!” “Ya” hiijina daYehova muwihi.
^ Hela “kuvumisha yingongu.”
^ Iyi hiñoma yanyanya kwakudekawu tuyikuñu nawa neyi ayinyinkesha yavumaña neyi manchakayi.
^ Hela “Haleluya!” “Ya” hiijina daYehova muwihi.
