Masamu 17:1-15
Kulomba kwaDavidi.
17 Tiyaku kulemba kwami kwakulomba wuñanji, eyi Yehova;Shaku maana kukudila kwami kwakulomba wukwashu;Tiyaku kulomba kwami kwakadi makasu.+
2 Nhakwiliku mwawuñanji;+Mesu eyi amoni chuma chaloña.
3 Wunanshinshiki mumuchima wami, wunantalatali nawufuku;+Wunantookeshi;+Wukwiluka neyi hinafuukulihu kukoña chuma chatamaku,Nawa kanwa kami kanavulumunihu wanyi.
4 Hichikweti muloña nayuma yelañawu antu amakwawuku,Natondolweli njila jawatupondu, kwesekeja nezu dakunyivumbu yeyi.+
5 Madatilu ami alamati munjila jeyiKulonda nyendu yami yibuli kuhukana.+
6 Nakutambiki, muloña wukuñakula,+ eyi Nzambi.
Teñelekaku itu deyi* kudi ami. Tiyaku mazu ami.+
7 Mwekeshaku kukeña kweyi kwakashinshi munjila yayiwahi,+Eyi Chamwinu chawantu akeñaña nawu wuyikiñi nachikasa cheyi chachidiiluKudi antu adikañaña naneyi.
8 Nkiñi neyi kantu kadisu deyi;+Nsweki muwulelu wampuula jeyi.+
9 Nkiñi kudi antu atama anlukukaña,Kudi ayilumbu* jami afwaña owu anyeñumuka.+
10 Anachinchiki;*Ahoshaña nakudivwimba nakanwa kawu;
11 Ichi dinu atunyeñumukaña nakutwisha mukachi;+Atalatalaña kulonda amoni hatela kutudimbwishilawu.*
12 Wudi neyi mutupa wunakufwila kutabola kanyama,Neyi mwenzi wamutupa wunakweba kulonda akwati.
13 Nyamukaku, eyi Yehova, wumuwani+ nawa wumudimbwishi heseki;Ñamwini* kudi muntu watama nampoku yeyi yakabali;
14 Mpulwishi nachikasa cheyi, eyi Yehova,Kudi antu amukanu kaayi,* akweti iseka dawu muwumi wunu,+Ana iwenzeshaña nayuma yayiwahi yiwahanaña+Nawa ana ashiyaña wuswana wawu kudi anyanawu amavulu.
15 Ilaña ami kwami, nakamona kumesu eyi mukuloña;Natiyi kuwaha hakuwana wudi nanami chinnahinduki.*+
Tumazu twaheshina
^ Hela “Noñamaku wutiyilili.”
^ Hela “ayilumbu jawumi wami.”
^ Hela “Anadijikili mumanji awu aweni.”
^ Hela “kutunatilawu hamaseki.”
^ Hela “amwinaku wumi wami.”
^ Hela “nshakaminu yamakonu.”
^ Hela “hakumona chiwekala.”
