Masamu 24:1-10
-
Mwanta wakulema neñili muyiisu
-
‘Iseki dambala daYehova’ (1)
-
Isamu daDavidi.
24 Iseki niyuma yejima yekalahu yaYehova,+Iseki dawushi niantu ashakamañahu.
2 Muloña wadishimatisha chikupu hatuluñalwiji+Nawa wadishimatisha hatuloña.
3 Hinyi wunateli kukanduka kumpidi yaYehova,+Nawa hinyi wunateli kwimana mwiluña dindi dajila?
4 Wejima wukweti makasa akadi muloña nawa wutooka mumuchima,+Wabulahu dehi kusanyika mwakutwamba kuzatisha wumi Wami,*Hela wabulahu dehi kusanyika mwakutwamba.+
5 Wakatambwila nkisu kudi Yehova+Nikuloña* kudi Nzambi yindi yawamwinu.+
6 Idi hiikiñu danowu amukeñakeñaña,Danowu akeñakeñaña kumesu eyi, eyi Nzambi yaYakoba. (Sela)
7 Enu yenzelu, inunenu nyitu yenu;+Enu yiisu yakushankulu, enzunukenu,*Kulonda Mwanta wakulema eñili!+
8 Hinyi yenowu Mwanta wakulema?
Yehova, wakola nawa mukañovu,+Yehova, chilobu munjita.+
9 Enu yenzelu,+ inunenu nyitu yenu;Enu yiisu yakushankulu, enzunukenu,Kulonda Mwanta wakulema eñili!
10 Hinyi yenowu, Mwanta wakulema?
Yehova wamazaza—diyi Mwanta wakulema.+ (Sela)
Tumazu twaheshina
^ Hela “Wumi wami,” kutena wumi waYehova mwasanyikilañayi muntu.
^ Hela “wuñanji.”
^ Hela “Nyamukenu.”