Masamu 3:1-8
Isamu daDavidi hatemukileñayi mwanindi Abisalomi.+
3 Eyi Yehova, muloñadi akankunyi nami chinavuliliwu ñana?+
Muloñadi antu amavulu chinakuñimakenawu?+
2 Antu amavulu anakuhosha nawu:
“Nzambi wukumwamwina wanyi.”+ (Sela)*
3 Ilaña eyi, eyi Yehova, yeyi nkebu yankiñaña kutubadi twejima,+Yeyi kulema kwami+ nawa Yeyi wenunaña mutu wami.+
4 Nukumutambika Yehova nezu datiyakana,Nawa wukuñakwila kumpidi yindi yajila.+ (Sela)
5 Nukukaama heseki nakulezumukila mutulu;Nawa nukuhinduka mukuwunda,Muloña Yehova watwalekañahu kunkwasha.+
6 Hinnakutiya woma yihita yawantuAnañimakeni kutubadi twejimaku.+
7 Nyamukaku, eyi Yehova! Ñamwini,+ eyi Nzambi yami!
Muloña wukweta ayilumbu jami ejima kumbaña;Wukukotola mazewu awantu atama.+
8 Wamwinu wekala kudi Yehova.+
Nkisu yeyi yidi hadi antu jeyi. (Sela)
Tumazu twaheshina
^ Talenu Kulumbulula.
