Masamu 31:1-24
Kudi mukulumpi wawañimbi. Isamu daDavidi.
31 Eyi Yehova, ami nabatami mudi eyi.+
Bayi wuntiyisha nsonyiku.+
Mpulwishi muloña wakuloña kweyi.+
2 Teñelekaku itu deyi* kudi ami.
Inzaku swayi-swayi kulonda wumpulwishi.+
Ikalaku mpidi yami yakiñewa,Iluña dakiñewa dakuñamwina.+
3 Muloña yeyi ilola dami nawa mpwembu yami;+Muloña wejina deyi,+ wukunlombola nikunkiña.+
4 Wukunfumisha mukaleñi kanantiliwu mukuswamujoka,+Muloña yeyi mpwembu yami.+
5 Nashi spiritu yami muchikasa cheyi.+
Wunankuuli, eyi Yehova, Nzambi yachalala.*+
6 Nahela antu adifukulaña kudi ankishi amukunkulwayi,Ilaña ami kwami, namukuhwelela Yehova.
7 Nukuzañalela chikupu mukukeña kweyi kwakashinshi.Muloña wunamoni makabi ami;+Wuneluki yihuñu yami yamaneni.*
8 Hiwunanhani kudi ayilumbuku,Ilaña wañimikaña mwiluña dakiñewa.*
9 Ntiyili luwi, eyi Yehova, muloña nidi nayihuñu.
Kuyeña kunazeyeshi mesu ami,+ kushilahu nimujimba wami wejima.*+
10 Chihandilu chami chakuneña hohu+Nawa yaaka yami yakwaaboka hohu.+
Ñovu yami yinakumana muloña wakuluwa kwami;Mafwaha ami azeyaña.+
11 Ansehaña kudi akankunyi nami ejima,+Sweje-e antuñi nami.
Nawa anchiinaña kudi amabwambu jami;Neyi ammona hadi antu amavulu, antemukaña.+
12 Anfumisha dehi munyichima* yawu nawa anvulamenaku, neyi kwiji nafwa dehi;Nidi neyi nsaba yabaluka.
13 Natiyi mbonji jajivulu jatama;Natiyi woma muloña anchiinishaña kutubadi twejima.+
Neyi apompa hamu nakuñimakena,Akasaña kafuta kulonda akisañani wumi wami.+
14 Ilaña nakukuhwelela, eyi Yehova.+
Nahoshi nami: “Yeyi Nzambi yami.”+
15 Mafuku ami adi muchikasa cheyi.
Mpulwishi kumakasa awayilumbu jami ninowu anakunkabisha.+
16 Toñekeshelaku chamesu eyi hadi kambuñeyi.+
Ñamwini muloña wakukeña kweyi kwakashinshi.
17 Eyi Yehova, bayi wuntiyisha nsonyi neyi nikutambikaku.+
Antu atama ayitiyishi nsonyi;+Ayimwenesheli Mwijamu.*+
18 Nyivumbu yatwambaña yileki kuhosha,+Nyivumbu yamuhoshaña muntu waloña nakudivwimba, nakudinyamuna nikasawuntu.
19 Kuwaha kweyi ochikwavula!+
Antu akutiyaña woma wayihembela kuwaha kweyi,+Nawa wakwimwekeshaña kudi antu ejima, muloña wanowu anakubatama mudi eyi.+
20 Wakayisweka mwiluña dakujinda dakumesu eyi+Kutufuta twawantu;Wakayisweka muchiswamu cheyiKunhoshelu yatama.*+
21 Yehova ashimekewi,Muloña namwekeshi kukeña kwindi kwakashinshi kudi ami munjila yayiwahi+ mumusumba wunakuchikiwu.+
22 Hakwila ami kwami, nalulutili nakuhosha nami;
“Nukujilumukila kumesu eyi.”+
Ilaña watiyili kulemba kwami kwakulomba wukwashu hinakudililili.+
23 Mukeñenu Yehova, enu ejima ashinshika kudi yena!+
Yehova wakiñaña ejima ashinshika,+Ilaña wababeshaña chikupu muntu wejima wadivwimbaña.+
24 Ikalenu ahamuka, nawa nyichima yenu yikoli,+Enu ejima munakumuhembelela Yehova.+
Tumazu twaheshina
^ Hela “Noñamaku wutiyilili.”
^ Hela “Nzambi washinshika.”
^ Hela “yihuñu yawumi wami.”
^ Hela “mwiluña deneni.”
^ Hela “niwumi wami niivumu dami.”
^ Hela “muyitoñojoka.”
^ Hela “Shelu,” dikwila nawu, ijamu dawantu ejima. Talenu Kulumbulula.
^ MucheHeberu, “Kukubobola kwamadimi.”
