Masamu 37:1-40
DaDavidi.
א [Alefu]
37 Bayi wutiya kutama* muloña wawantu atamaHela kutiyila ichima antu elaña yatamaku.+
2 Akalepa swayi-swayi neyi matahu+Nikuuma neyi chomaña matahu atuuta.
ב [Beti]
3 Mukuhweleli Yehova nawa ilaku mwamuwahi;+Shakamaku hamaseki,* nawa ilaku mwakashinshi.+
4 Zañalelaku chikupu mudi Yehova,Nawa wakakwinka yuma yafwilaña muchima weyi.
ג [Gimeli]
5 Kunjikaku njila yeyi kudi* Yehova;+Mushindameni, nawa wukukukwashaku.+
6 Wukwilisha kuloña kweyi kutoñeka neyi chatoñekaña itena nantetemena,Niwuñanji weyi neyi chatoñekaña itena neyi dinashiki hakachi kamutu.
ד [Daleti]
7 Diwunjiki kumesu aYehova+Nawa twalekakuhu kumuchiñilila chikupu.*
Bayi akuhilisha kudi muntuOwu watweshaña kuzatisha tufuta twindiku.+
ה [Hi]
8 Lekaku kuzuwa nawa lekaku ndulu;+Bayi wuhila nakwila yuma yatamaku.*
9 Muloña antu atama akayijilumuna,+Ilaña antu amuchiñejaña Yehova akaswana iseki.+
ו [Wawu]
10 Hakushimbula hohu chanti, antu atama hiyakekalaku nawa cheñiku;+Wakatalatala hashakamineñawu,Akekalahu wanyi.+
11 Ilaña amwovu akaswana iseki,+Nawa akazañalala chikupu nakushakama mukuwunda kwakweni.+
ז [Zayini]
12 Muntu watama wamukasilaña muntu waloña tufuta;+Wamusumonenaña kumazewu indi.
13 Ilaña Yehova wakamuseha,Muloña Yena weluka nindi ifuku dindi dakenza.+
ח [Heti]
14 Antu atama asomonaña mpoku jawu jatubali muyindalu nikwevula* mata awu anyikunjiKulonda adimbwishi antu anakukabishawu niatuzweñi,Kulonda ajahi antu elaña yuma yaloña.
15 Ilaña mpoku yawu yakabali yakapwika muchima wawu aweni+Mata awu anyikunji akayikotola.
ט [Teti]
16 Yuma yantesha yamuntu waloña yayiwahiKubadika yuma yayivulu yawantu atama amavulu.+
17 Muloña makasa awantu atama akayikotola,Ilaña Yehova wakakwasha antu aloña.
י [Yodi]
18 Yehova weluka kukala kwamonañawu antu abula muloña,*Nawa wuswana wawu wakekala wahaya nyaaka.+
19 Hiyamba kayitiyisha nsonyi mumpinji yakukalaku;Mumpinji yanzala yakapwelendendi akekala nayakuda yayivulu.
כ [Kafu]
20 Ilaña antu atama akanoña;+Ayilumbu jaYehova akajimañana neyi munyenvu walubanji;Akajimañana neyi wishi.
ל [Lamedi]
21 Muntu watama wakongolaña, ilaña hafuntishañaku,Hakwila muntu waloña wekala nachisambu* nawa wahanaña.+
22 Antu akiswilañayi Yena akaswana iseki,Ilaña antu ashiñañayi Yena akayijilumuna.+
מ [Memu]
23 Yehova walombolaña* nyendu yamuntu+Neyi amonamu kuwaha munjila yindi.+
24 Hela chakwila wukudimbuka, hakutwalekahu kwikala hamasekiku,+Muloña Yehova wamukwashaña nachikasa Chindi.+
נ [Nuni]
25 Nadiñi kansi nawa ichi nakuli,Ilaña kanda nimoneñahu dehi muntu waloña anamushiyi chisayikila,+Hela anyanindi anakuya nakulombalomba dinkendiku.*+
26 Mpinji yejima wakongweshaña namuchima wumu,+Nawa anyanindi akatambwila nkisu.
ס [Sameki]
27 Lekaku kwila yuma yatama, ilaña ilaku yayiwahi,+Nawa wakashakama haya nayaaka.
28 Muloña Yehova wakeña wuñanji,Nawa hamba kashiya indi ashinshikaku.+
ע [Ayini]
Wakayikiñaña mpinji yejima;+Ilaña anyana kamuntu watama akayijilumuna.+
29 Aloña akaswana iseki,+Nawa akashakamahu haya nyaaka.+
פ [Pi]
30 Kanwa kamuntu waloña kalejanaña maana,*Nawa idimi dindi dahoshaña mwawuñanji.+
31 Nshimbi jaNzambi yindi jidi mumuchima windi;+Nyendu yindi hiyakahukanaku.+
צ [Tisadi]
32 Muntu watama wamukeñakeñaña waloña,Kulonda amujahi.
33 Ilaña Yehova hamba kamulekela muchikasa chanowu muntu+Hela kumuwana namuloña neyi anamusompeshiku.+
ק [Kofu]
34 Muchiñeji Yehova nakulondela njila yindi,Nawa wakakunyamuna kulonda wakaswani iseki.
Neyi antu atama anayijilumuni,+ wakadimwena chumichi.+
ר [Reshi]
35 Namoni muntu wakadi luwi, watamaNakutaanda neyi mutondu wawuwahi weneni wunameni mwiseki dawushi.+
36 Ilaña wanyakeli kufwa nawa hamwekenihu cheñiku;+Natwalekelihu kumukeñakeña, ilaña namuwanini wanyi.+
ש [Shini]
37 Mwiluki muntu wakadi muloña,*Nawa twalekakuhu kumutala muntu woloka,+Muloña mbidi yanowu muntu yakekala yawunda.+
38 Ilaña akakufumpa nshimbi ejima akayijilumuna;Mbidi yawantu atama akayiketwisha.+
ת [Tawu]
39 Wamwinu wawantu aloña wafumaña kudi Yehova;+Yena diyi mpwembu yawu mumpinji yayihuñu.+
40 Yehova wakayikwasha nawa wakayipulwisha.+
Wakayipulwisha kudi antu atama nikuyamwina,Muloña abatamaña mudi yena.+
Tumazu twaheshina
^ Hela “kumwekesha neyi wadihela.”
^ Hela “mwituña.”
^ MuchiHeberu, “Nyeñumunaku njila yeyi hadi.”
^ Hela “kudiwunjika chikupu.”
^ Hela hekwawu, “Bayi wuhilaku, muloña chinateli kukuletela wubanji.”
^ Hela “mwonji.”
^ MuchiHeberu, “mafuku awantu abula muloña.”
^ Hela “watiyilaña luwi.”
^ Hela “wakoleshaña.”
^ Hela “yakuda.”
^ Hela “kashimunaña maana mwizu damwishina.”
^ Hela “muntu wahembaña kashinshi.”
