Masamu 40:1-17
Kudi mukulumpi wawañimbi. Isamu daDavidi.
40 Namuchiñejeli* Yehova chikupu,Nawa wateñelekeli itu dindi* kudi ami nawa watiyili kudila kwami kwakulomba wukwashu.+
2 Wanfumishili mwibuku mwadiña nakupoota menji,Mumalowa achakata.
Nawa washili nyendu yami helola;Wakiñili nyendu yami.
3 Kuhiñahu washili kamina kakaha mukanwa kami,+Nzambi yetu ashimekewi.
Antu amavulu akatala nakuhayamaNawa akamukuhwelela Yehova.
4 Wudi namuzañalu yowu muntu wamukuhwelela YehovaNawa wabulaña kushindamena hadi akakudikaña hela hadi akakutwamba.
5 Yuma yiwunakoñi okuvula,Eyi Yehova Nzambi yami,Nyidimu yeyi yakuhayamisha niyitoñojoka yeyi yiwunatumwekesheli;+
Kwosi wunateli kwesekana naneyiku;+Neyi chakwila nesekeli nami niyihoshi nikuyishimuna,Yadi kunvulila chakwila hinadi kutwesha kuyichindaku!+
6 Nyilambu niyawaana hiwayikeñeleñaku,*+Ilaña wenzunwini matu ami kulonda nitiyi.+
Hiwalombeli nyilambu yakushita ninyilambu yahanshidiku.+
7 Dichi nahosheli nami: “Talaña, ami nenzi.
Mumuvuñilu* asonekamu nsañu yahosha hadi ami.+
8 Natiyaña kuwaha kwila nkeñelu yeyi, eyi Nzambi yami,+Nawa nshimbi jeyi jidi mukachi kamuchima wami.+
9 Nashimwinaña nsañu yayiwahi yakuloña muchipompelu cheneni.+
Talaña! Hinalekeshaña nyivumbu yamiku,+Eyi Yehova, neyi chiweluka chiwahi.
10 Hinabutaña hakuloña kweyi mumuchima wamiku.
Nashimunaña kushinshika kweyi niwamwinu weyi.
Hinaswekaña kukeña kweyi kwakashinshi nichalala cheyi muchipompelu cheneniku.”+
11 Eyi Yehova, bayi wuleka kummwekeshela kukeña kweyiku.
Mwani kukeña kweyi kwakashinshi nichalala cheyi jinkiñeña mpinji yejima.+
12 Makabi anannyeñumuki anasweji kuvula chakwila hinukutwesha kuyichindaku.+
Yiluwa yami yayivulu chikupu chakwila inakukañanya kumona kwinnakuya;+Yinasweji kuvula nankashi kubadika nsuki jakumutu wami,Nawa jinankumi.
13 Ñamwini chakufuma hamuchima weyi, eyi Yehova.+
Eyi Yehova, nyakalaku kunkwasha.+
14 Ejima anakukeña kunjaha*Ayitiyishi nsonyi nawa asawuki.
Owu azañalalaña nayihuñu yamiAfuntimu iku anatiyi nsonyi.
15 Owu anakuñila nawu: “Anha! Anha!”
Ahayami muloña wansonyi jawu aweni.
16 Ilaña akukeñakeñaña+Aluñi nikuzañalela mudi eyi.+
Akeña nyidimu yeyi yawamwinu ahosheña mpinji yejima nawu:
“Yehova atuumbakani.”+
17 Ilaña hinikweti wakunkwashaku nawa nidi kazweñi;Yehova añushi maana.
Yeyi nkwashi yami nawa mukakumpulwisha;+Nzambi yami, bayi wulabaku.+
Tumazu twaheshina
^ Hela “Namuchiñililili nakudiwunjika.”
^ Hela “wanoñamini nakutiyilila.”
^ Hela “kutiya kuwaha.”
^ MuchiHeberu, “mumuvuñilu wamukanda.”
^ Hela “wumi.”
