Masamu 45:1-17
Kudi mukulumpi wawañimbi; kwimbila “Nkenu.”* Dawanyana kaKora awamayala.+ Masikilu.* Kamina kakukeña.
45 Muchima wami wunasañumuki nayuma yayiwahi.
Nahoshi nami: “Kamina kami* kanakuhosha hadi mwanta.”+
Idimi dami diikali nsonekeshu*+ yamukakukopolola* welukisha chikupu.+
2 Wudi iyala walubanji chikupu hakachi kawanyana kawantu.
Kunyivumbu yeyi kwafumaña nhoshelu yayiwahi hama.+
Dichinaleteshi Nzambi akukiswili haya nyaaka.+
3 Manyikaku mpoku yeyi yakabali+ hekata deyi, eyi mukañovu,+Mukulema kweyi nimuwukeleñi weyi.+
4 Nawa muwukeleñi weyi yaña nakushinda;+Endeshaku kawalu keyi muloña wachalala, kudizoza nikuloña,+Nawa chikasa cheyi chachidiilu chikukoña* yuma yakuhayamisha.
5 Nyivu yeyi yatwa,* yadimbwishilaña antu kumesu eyi;+Yapwikaña nyichima yawayilumbu jamwanta.+
6 Nzambi hiitanda deyi haya nyaaka nanyaaka;+Nkuunyi yawanta weyi hinkuunyi yakwoloka.*+
7 Wakeñeli kuloña+ nawa waheleli kutama.+
Dichinaleteshi Nzambi, Nzambi yeyi, akuwayishi+ namanji akuzañalesha+ kubadika akwenu.
8 Yakuvwala yeyi yejima yepukaña ivumba damora, dashilambwe nidakasiya;Yisanji yanyonji yakuzañaleshaña muchipañu chakuwahisha namazewu anzovu.
9 Anyana kamwanta awambanda adi hakachi kawambanda eyi alemeshawu.
Mwadi* nemani kuchikasa cheyi chachidiilu, navwali yakuvwala yawuru yakuOfiri.+
10 Tiyaku, eyi mwana wamumbanda, shakuku maana nawa teñelekaku itu deyi;Vulamenaku antu jeyi niitala datata yeyi.
11 Nawa mwanta wakeñesha lubanji lweyi,Muloña himwanta weyi,Dichi dibuki kudi yena.
12 Mwana kaTira wamumbanda wakenza nachawaana;Antu aheta chikupu akalomba wukwashu kudi eyi.*
13 Mwana kamwanta wamumbanda nakumwekana lubanji chikupu muchipañu;*Yakuvwala yindi yakuwahisha* nawuru.
14 Akamuleta kumesu amwanta iku navwali yakuvwala yakupikula yayiwahi nankashi.*
Amabwambu jindi ajiki* anakumulondela akayileta mukachi kumesu eyi.
15 Akayileta iku anakudikuwa nikuzañalala;Akeñila muchipañu chamwanta.
16 Anyaneyi awamayala akahiña hachifulu chawankakulula jeyi.
Wakayitonda kwikala atulamba heseki dejima.+
17 Nakelisha ijina deyi akadiluki mwakahita makiñu ejima akenza.+
Dichikaletesha antu akakushimekeña haya nyaaka nanyaaka.
Tumazu twaheshina
^ Hela hekwawu, “chisanji chanyonji, mutapu wakamina hela chuni yakamina.”
^ Talenu kulumbulula.
^ Hela “nsoneki.”
^ Hela “peni.”
^ MuchiHeberu, “Nyidimu yami.”
^ MuchiHeberu, “chikukudizisha.”
^ Hela “yawambuka.”
^ Hela “yawuñanji.”
^ Hela “Ñoda mwanta.”
^ Hela “akwovwahisha kumesu eyi.”
^ MuchiHeberu, “Mukachi.”
^ MuchiHeberu, “nayuma yawuru.”
^ Hela hekwawu, “munyinkukumba hanachimekeliwu madeko.”
^ Awa hiyambanda abula kukaamahu dehi nawamayala.
