Masamu 48:1-14
Kamina. Isamu dawanyana kaKora awamayala.+
48 Yehova himuneni nawa watela kushimekewa chikupuMumusumba waNzambi yetu, mumpidi yindi yajila.
2 Mpidi yaZiyona kukabeta kachimunswa,Yalubanji mukunyuña kwayu, nawa himuzañalu weseki dejima,+Musumba waMwanta Wabadika.+
3 Mutuposhi twamusumba twakola,Nzambi nelishi eluki nawu yena hichiswamu chakiñewa.*+
4 Talenu! anyanta anadipompeshi;*Wejima wawu anashiki dehi kwakwihi.
5 Chawumweniwu musumba, ahayamini.
Aluwankeni nawa atemukili iku anatiyi woma.
6 Atachikili kuzaala kwenoku,Atiyili nyisoñu neyi yamumbanda wunakuvwala.
7 Wakisañanaña mbopolu jakuTashishi nampepela yakumusela.
8 Yuma yitwatiyili, ichi tunadimweni etu aweniMumusumba waYehova wamazaza, mumusumba waNzambi yetu.
Nzambi wakawukolesha chikupu haya nyaaka.+ (Sela)
9 Twatoñojokaña chikupu hakukeña kweyi kwakashinshi, eyi Nzambi,+Mukachi katembeli yeyi.
10 Kufwana ijina deyi, eyi Nzambi, kushimekewa kweyiKwashikaña kwakumina iseki.+
Chikasa cheyi chachidiilu chenzala nakuloña.+
11 Mpidi yaZiyona+ yizañalali,Matawuni* amuYuda atiyi kuwaha, muloña wawunsompeshi weyi.+
12 Nyeñumukenu Ziyona; yenu mumunyeñumuki wejima;Chindenu tuposhi twindi.+
13 Shenu nyichima yenu hampwembu jindi.*+
Talatalenu tuposhi twindi twakola,Kulonda mwakalejiku makiñu akenza.
14 Muloña iwu Nzambi diyi Nzambi yetu+ haya nyaaka nanyaaka.
Wakatulombolaña haya nyaaka nanyaaka.*+
Tumazu twaheshina
^ Hela “kaposhi kakiñewa.”
^ Hela “anabulakani nachatiyañeniwu.”
^ MuchiHeberu, “anyana awambanda.”
^ Hela “hambañu jakola.”
^ Hela hekwawu, “sampu tunafwi.”