Masamu 50:1-23
Isamu daAsafi.+
50 Nzambi yawanzambi, Yehova,*+ nahoshi;Watambikaña isekiKufuma kwatuntukilaña itena kushika nikudahuminaña.*
2 Nzambi watoñekelaña chejeji muZiyona, musumba wasweja lubanji.+
3 Nzambi yetu wakenza nawa kwila amwenahu nehi.+
Kudi yena kudi kesi kanoñeshaña,+Nawa nvula yeneni yampepela yamunyeñumukaña kwi-i ndo-o.+
4 Watambikaña mawulu niiseki,+Kulonda yasompeshi antu jindi:+
5 “Mpompesheli antu jami ashinshika,Owu anakukwata chitiyañenu nanami kutalisha hamulambu.”+
6 Mawulu ashimunaña kuloña kwindi,Muloña Nzambi yomweni hiNsompeshi.+ (Sela)
7 “Tiyenu, enu antu jami, nawa nukuhosha;Isarela, nukushimuna wunsahu hadi eyi.+
Yami Nzambi, Nzambi yeyi.+
8 Hinakuzuwilaña muloña wanyilambu yeyi,Hela muloña wanyilambu yeyi yamukuma yakushita yiwanlambulaña mpinji yejimaku.+
9 Hinatela kutambula ñombi wachizamba kwitala deyi,Hela ampembi* mumayinda eyiku.+
10 Muloña kanyama wejima wamwisaña wekala mwivunda wamami,+Kushilahu nianyama ekala hamapidi ikombakaji.
11 Neluka tuda twejima twekala hamapidi;+Anyama akadi kutwesha kuchinda amwisaña amami.
12 Neyi nadiñi nanzala, nadi kukuleja wanyi,Muloña iseki dawushi niyuma yejima yekalahu yami.+
13 Komana nukuda mbiji yawayizamba añombiNikunwa mashi ampembi?+
14 Kusakilila kwenu kwiikali neyi mulambu wenu kudi Nzambi,+Nawa shikijenu yikaninu yenu kudi Mukakubadika Chikupu;+
15 Ntambiki mumpinji yayihuñu.+
Nakakupulwisha, nawa wakanlemesha.”+
16 Ilaña Nzambi wakaleja muntu watama nindi:
“Wuswanyi wuwukweti wakulumbulula nshimbi jami+Hela kuhosha hachitiyañenu chami?+
17 Muloña eyi wahela kufumba,*Nawa wadiwulaña mazu ami.*+
18 Neyi wumona ikombi, wamutiyaña kuwaha,*+Nawa wadikundaña nawakawujila.
19 Wazatishaña kanwa keyi kutaandisha yuma yatama,Nawa makudi analamati kwidimi deyi.+
20 Washakamaña nakuhosha chatama hadi manakweyi;+Wasololaña yiluwa* yamanakweyi iwasemuka nindi ivumu dimu.
21 Hiwelili yumiyi, namwenenihu kwami,Dichi watoñojokeli neyi nukwikala neyi eyi.
Ilaña ichi nukukuzuwila,Nawa nukushimuna muloña wuwukweti nanami.+
22 Mwani ilukenu chumichi, enu mwamuvulamenaña Nzambi,+Kulonda nibuli kuyitabola chakwila kubuli niwakuyipulwisha.
23 Muntu wahanaña kusakilila kwindi kwikala mulambu, wanlemeshaña,+Hakwila muntu walondelaña chikupu njila yaloña,Ami nakamukojeja akamoni wamwinu waNzambi.”+
Tumazu twaheshina
^ Hela “Nzambi, Yehova.”
^ Hela “Kufuma kumusela nakushika kumujika.”
^ MuchiHeberu, “ampembi ayizamba.”
^ MuchiHeberu, “wanatilaña mazu ami kunyima yeyi.”
^ Hela “nshimbi.”
^ Hela hekwawu, “wadibombaña nindi.”
^ Hela “watamishaña.”
