Masamu 60:1-12
Kudi mukulumpi wawañimbi; kamina kakwila nawu “Nkenu yaChanukishu.” Mikitami.* DaDavidi. Dakudizisha nachu. Hazuñiliyi naArama-naharayimi niArama-Zoba, nawa Yowabi wafuntili nakutapa eni Edomi 12,000 muChinekineki chaMuñwa.+
60 Eyi Nzambi; wapalañesheli mazaza etu anjita.+
Wazuwili nanetu; ilaña ichi tutambwili cheñi!
2 Wakankishili iseki; wadibalwili.
Loñeshaku nyaji yadu, muloña dinakuhumuka.
3 Waletesheli antu jeyi akabakani nankashi.
Watunwishili vinyu yaletesha tutedañileña.+
4 Yisoñamishi* antu akutiyaña womaAtemuki nikuleya wuta wamukunji. (Sela)
5 Kulonda antu jeyi iwakeña ayipulwishi,Twamwini nachikasa cheyi chachidiilu nawa twaakuli.+
6 Nzambi nahosheli mukujila kwindi nindi:*
“Nakazañalala, nakamuhana Shekemi akekali wuswana,+Nawa nakapima Chinekineki chakuSukoti.+
7 Giliyadi wamami, neyi chekalayi Manasi,+Nawa Efuremu hiitepa dakumutu wami;*Yuda himukombu wanyuuli yami.+
8 Mowabi hicheña chami chakuwelelahu.+
Hadi Edomi nakanatilahu nkwabilu yami.+
Hadi Filisitiya nakadikuwilahu namuzañalu wakushinda.”+
9 Hinyi wukuntwala kumusumba wakuchikawu?*
Hinyi wukunlombola nakushika kuEdomi?+
10 Komana eyi Nzambi, hiyeyi wunatukaani,Nzambi yetu, wabulaña kuya hamu nawamashidika etuku?+
11 Tukwashi muyihuñu yetu,Muloña kwamwinewa kudi antu, kwamukunkulwayi.+
12 Nawukwashu waNzambi, twakekala nañovu,+Nawa yena wakadatola akakunyi netu.+
Tumazu twaheshina
^ Talenu Kulumbulula.
^ Hela hekwawu, “Wunayisoñamishi.”
^ Hela hekwawu, “mwiluña dindi dajila.”
^ MuchiHeberu, “mpwembu yamutu wami.”
^ Hela hekwawu, “wakiñewa.”