Masamu 66:1-20
Kudi mukulumpi wawañimbi. Kamina. Isamu.
66 Dikuwenu kudi Nzambi namuzañalu, heseki dejima.+
2 Imbenu tumina twakushimeka ijina dindi dalema.
Mulemeshenu nikumushimeka.+
3 Mulejenu Nzambi nenu: “Nyidimu yeyi ochiyekala yakuhayamisha!+
Muloña wañovu jeyi jasweja,Ayilumbu jeyi akadihomba kumesu eyi.+
4 Iseki dejima dakadibuka kudi eyi;+Akemba tumina twakukushimeka;Akemba tumina twakushimeka ijina deyi.”+ (Sela)
5 Twayenu mutali nyidimu yaNzambi.
Nyidimu yindi yakoñelañayi anyana kawantu yakuhayamisha.+
6 Wabalumwini kaluñalwiji kwikala iseki dooma;+Awukili kaloña hamaseki.+
Kwenoku twazañaleleli mudi yena.+
7 Wayuulaña haya nyaaka+ nañovu jindi.
Mesu indi atalaña hadi nyuza.+
Achinchika nyichima hiyatela kudinyamuna awenawuku.+ (Sela)
8 Mushimekenu Nzambi, enu antu,+Nawa mazu akumushimeka atiyakani.
9 Watuhembaña amomi;+Hetejaña nyendu yetu kuhukanaku.*+
10 Muloña wunatushinshiki chikupu, eyi Nzambi;+Neyi cheñununañawu siliva, dichiwunatweñununi ninetu.
11 Watuleteli mukaleñi;Washili chiteli chachikaña hadi etu.*
12 Wetejeli muntu wafwaña kutudatola;*Twenjilili mukesi nimumenji;Kuhiñahu watuleteli kwiluña dakunookela.
13 Nakenza kwitala deyi nanyilambu yamukuma yakushita;+Nakela munasanyikili kudi eyi+
14 Kusanyika kwakanini nyivumbu yami+Nawa kwahosheli kanwa kami hinadiñi muyihuñu.
15 Nakakulambula nyilambu yakushita yawanyama anunaHamu nawishi wanyilambu yawanyikoku ayizamba.
Nakalambula añombi ayizamba hamu nawampembi ayizamba. (Sela)
16 Twayenu mutiyi, enu ejima mwamutiyaña Nzambi woma,Nawa nukuyileja yuma yinañililiyi.*+
17 Namutambikili nakanwa kamiNawa namulemesheli nedimi dami.
18 Neyi nahembeli chuma chidi chejima chatama mumuchima wami,Yehova hadi kuntiyaku.+
19 Ilaña Nzambi watiyili;+Washili maana kukulomba kwami.+
20 Nzambi amushimeki, owu wabulili kukaana kulomba kwamiHela kunkiisha kukeña kwindi kwakashinshi.
Tumazu twaheshina
^ Hela “kutedañilaku.”
^ MuchiHeberu, “hankuma jetu.”
^ MuchiHeberu, “hanyitu yetu.”
^ Hela “yineliliyi wumi wami.”
