Masamu 74:1-23
Masikilu* aAsafi.+
74 Muloñadi, eyi Nzambi, chiwunatukaanini haya nyaaka?+
Wunazuwililidi nyikoku yakumunyevu weyi?+
2 Anukaku antu* iwatondeli kunyaka oko-o,+Muchidi iwakuulili nakwikala wuswana weyi.+
Anukaku Mpidi yaZiyona, kuwunashakami.+
3 Yaku kwiluña dinajilumuniwu chikupu.+
Chilumbu nakisañani yuma yejima mwiluña dajila.+
4 Ayilumbu jeyi abuluminini mwiluña deyi dakupompela.+
Anashi mpandela jawu jiikali yinjikijilu mwenomu.
5 Adiña neyi antu azuyaña yizembi kulonda atemi ivunda dajika.
6 Yuma yejima yakubaza+ yekalamu ayibaloleli nayizembi ninayikuñu.
7 Ocheli iluña deyi dajila.+
Atamishili tabanaka yikweti ijina deyi, nakuyihumuna.
8 Wena nianyanawu anahoshi munyichima yawu nawu:
“Twatela kwocha maluña ejima aNzambi* akupompelamu adi mwituña.”
9 Kwosi yinjikijilu hakwila tumoniku;Kwosi kaprofwetu wunashalihuku,Nawa kwosi niwumu hakachi ketu wuneluki hakamana yumiyiku.
10 Eyi Nzambi, mukankunyi wakatwalekahu kukusupisha kushika mpinjinyi?+
Komana chilumbu wakasawulaña ijina deyi haya nyaaka?+
11 Muloñadi chiwunavuñili chikasa cheyi, chikasa cheyi chachidiilu?+
Chifumishi hebwambu deyi* kulonda wuyijilumuni.
12 Ilaña Nzambi diyi Mwanta wami kufuma kunyaaka oko-o,Owu wunakukoña nyidimu yawamwinu heseki.+
13 Wavundañesheli kaluñalwiji nañovu jeyi;+Wachikilili nyitu yayileñaleña yamaneni yamukaluñalwiji mumenji.
14 Wachikili nyitu yaLeviyatani;*Wayihanini kudi antu kulonda adii, kudi owu ashakamaña muyinkalampata.
15 Washinkili majila atuseloki nituloña;+Womishili tuloña twejima twahitaña.+
16 Mwaana weyi, wufuku niwena weyi.
Waleñeli chejeji* niitena.+
17 Washa ñinza jejima jeseki;+Waleñeli mayinza ninooña.+
18 Anukaku kasawuntu kahoshañayi chilumbu, eyi Yehova,Ochu ayisupi chasawulañawu ijina deyi.+
19 Bayi wulekela wumi wakapompa* keyi mumakasa awanyama azuwa amwisañaku.
Bayi wuvulamena wumi wawantu jeyi anakukabishawu haya nyaakaku.
20 Anukaku chitiyañenu,Muloña maluña amwidima aheseki anenzali dehi nawakamadombu.
21 Muntu anachikiwu bayi afuntamu iku natiyi nsonyiku;+Wakehelamu nikazweñi ashimeki ijina deyi.+
22 Nyamukaku, eyi Nzambi, wuhakuli muloña weyi.
Anukaku ochinakusawulawu ayisupi ijina deyi mpinji yejima.+
23 Bayi wuvulamena mazu anakuhoshawu ayilumbu jeyiku.
Ipumba danowu akusupishaña dinakuya mwiwulu mpinji yejima.
Tumazu twaheshina
^ Talenu Kulumbulula.
^ MuchiHeberu, “chipompelu cheyi.”
^ Hela “maluña ejima mwadifukwilañawu kudi Nzambi.”
^ Hela “muchakuvwala cheyi.”
^ Talenu Kulumbulula.
^ Hela “yejeji.”
^ Hela “kankudimba.”