Masamu 75:1-10
-
Nzambi wasompeshaña mwawuñanji
-
Atama akanwa kaapu kaYehova (8)
-
Kudi mukulumpi wawañimbi. Kamina kakwila nawu “Bayi Wujilumunaku.” Isamu daAsafi.+ Kamina.
75 Tunakusakilili, eyi Nzambi, tunakusakilili;Ijina deyi didi kwakwihi,+Nawa antu ashimunaña nyidimu yeyi yakuhayamisha.
2 Wahoshaña neyi: “Neyi nikasa mpinji,Nasompeshaña choloka.
3 Hanoweli iseki niyuma yejima yashakamañahu,Yami nakwatishili chikupu yishimi yadu.” (Sela)
4 Nayilejeli akakudisamba nami, “Bayi mudisambaku,”
Niantu atama nami, “Bayi mutuumbakesha ñovu* jenuku.
5 Bayi mutuumbakesha ñovu* jenu jishiki mwiwuluHela kuhosha nakudivwimbaku.
6 Muloña kutuumbakana hikwafumañaKumusela hela kumujika indi kwiji kukabeta kakuchidiiluku.
7 Muloña Nzambi hiNsompeshi.+
Wakeheshaña muntu nawa watoheshaña muntu mukwawu.+
8 Muloña muchikasa chaYehova mudi kaapu;*+Vinyu yinakwidisha ifulolu nawa yakubombashana chiwahi.
Chalala wakayimwaña,Nawa antu ejima atama ahamaseki akayinwa, akanwina kumu ninchiba.”+
9 Ilaña ami kwami, nakashimuna yumiyi haya nyaaka;Nakamwimbila Nzambi yaYakoba tumina twakumushimeka.
10 Muloña nahoshi nindi: “Nakaketula ñovu* jejima jawantu atama,Ilaña aloña akekala nañovu* chikupu.”
Tumazu twaheshina
^ MuchiHeberu, “nseñu.”
^ MuchiHeberu, “nseñu.”
^ Hela “lupasa.”
^ MuchiHeberu, “nseñu.”
^ MuchiHeberu, “nseñu.”