Masamu 90:1-17
Kulomba kwaMosi, muntu waNzambi walala.+
90 Eyi Yehova, wekala iluña detu mwakushakama*+ mwahita makiñu ejima.
2 Henohu mapidi kanda avwalikiNawa kanda wuleñi* iseki niiseki dawushi,+Kufuma kunyaaka oko-o nakuya haya nyaaka,* yeyi Nzambi.+
3 Waleteshaña muntu wafwaña kufunta kulunkuñu;Wahoshaña neyi: “Funtenu, enu anyana kawantu.”+
4 Muloña yaaka ikombakaji neyi yinahiti dehi, mumesu eyi yidi hohu neyi haloshi.+Neyi chilu nampinji yawufuku.
5 Wayikombaña;+ ekalaña hohu neyi tulu;Nantetemena ekalaña neyi matahu anameni.+
6 Nantetemena akenukaña nikusapuka,Ilaña namelela alepaña nawa omaña.+
7 Muloña tunajilumuki nakuzuwa kweyi+Nawa tunatiyi woma muloña wandulu yeyi.
8 Washaña yiluwa yetu kumesu eyi;*+Yuma yetu yakujinda ayisololaña kudi chejeji chakumesu eyi.+
9 Mafuku etu ajimañanaña* muloña wakuzuwa kweyi;Nawa yaaka yetu yamanaña neyi kashawushawu.*
10 Yaaka yakuhanda kwetu hiyaaka 70,Hela 80+ neyi muntu wakola.*
Hela chochu, yenzala nayihuñu nichineñi;Yahitaña swayi, nawa twatuukaña.+
11 Hinyi wunateli kwiluka ñovu yakuzuwa kweyi?
Kuzuwa kweyi kwatoha neyi woma wuwatelela kutambwila.+
12 Tudizishi chakuchinda mafuku etu+Kulonda twiikali namuchima wamaana.
13 Funtaku, eyi Yehova!+ Yumiyi yikatwalekahu kushika mpinjinyi?+
Yitiyili ambuñeyi wushona.+
14 Twikutishi nakukeña kweyi kwakashinshi+ nantetemena,Kulonda tudikuwi namuzañalu nikuzañalala+ mafuku etu ejima.
15 Tuzañaleshi kwesekeja namafuku iwunatukabishi,+Kwesekeja nayaaka yitunamoni yihuñu.+
16 Lekaku ambuñeyi amoni nyidimu yeyi,Nianyanawu amoni wukeleñi weyi.+
17 Luwi lwaYehova Nzambi yetu lwiikali hadi etu;Ilishaku mudimu wamakasa etu wulumbulukeña.*
Eña, ilishaku mudimu wamakasa etu wulumbulukeña.*+
Tumazu twaheshina
^ Hela hekwawu, “chiswamu chetu.”
^ Hela “wuvwali neyi nanyisoñu yakuvwala.”
^ Hela “Kufuma haya nyaaka nakuya haya nyaaka.”
^ Hela “Weluka yiluwa yetu.”
^ Hela “wumi wetu wajimañanaña.”
^ Hela “kudishishimona.”
^ Hela “muloña wudi nañovu yadimena.”
^ Hela “wushimati chikupu.”
^ Hela “wushimati chikupu.”
